榕哥燒鵝餐室

营业中

休息中

本来今日午餐唔系想吃呢间的, 但因为原定目标已经等位等超过15分钟都未有动静, 而𠮶可怜的一个钟头午餐时间实在不容我地再蹉跎下去, 于是就行咗入隔离呢间唔使等位既榕哥烧鹅, 但这无心的选择竟然有意外惊喜。餐厅装修新净, 一群鹅鹅鹅摆到全场最明显位置, 想唔点佢都唔得啦～烧鹅拼烧肉米粉, 烧肉皮卜卜脆, 竟然系鹅髀! 同事有口福了!!我点的烧鹅拼叉烧濑粉, 叉烧软熟不会干柴, 虽然中意肥叉的同事话正, 但向来喜欢全瘦叉的我嫌佢肥咗少少, 结果最肥𠮶d比晒同事处理。我呢份系鹅胸位置, 瘦肉多, 皮唔肥, 但入口𠮶阵烧鹅油香啊, 爆!!!净烧鹅濑粉, 腹腔位置, 同事话呢个位充满腌料香, 最入味, 吮骨都好味, 而且油脂较多, 满嘴生香。烧鹅份量唔少但都只系50几一份, 吃份普通午餐都要啦, 更加唔好话系一份令人觉得好味既午餐, 仲要系烧鹅, 以后又多个午餐好去处。