666泰船麵 (仁愛街) (已結業)

唔系第一次食，但之前两次都系食船面，菜材味足，汤底够浓，配埋鸡肾，去骨爪同鸡丝，加埋个三分烟韧嘅面，唔同口感，一流。不过今次嚟同同事就食咗新嘢，佢哋个个都食鸡饭，我叫咗鸡面。同事啲饭个个都系髀位，我心谂正啦，点知送到嚟我𠮶碗系劲大块鸡胸，即刻sad咗，我真系好唔钟意见到咁大块干肉，算啦唔好浪费食物，我食咗一两啖面之后就开始食鸡胸。先讲个汤，非常淡，话系椰汁鸡汤，应该系椰子水，透明𠮶只🙃⋯⋯旧鸡胸出乎意料地Juicy，唔鞋，加上个汤够淡，仲食到鸡味。不过我最后都有攞去点海南鸡个酱，味道正常。另外提一提，调味架有个辣椒醋，值得一试，同埋，666船面都系食返船面好啲，除非你想清淡，咁你就要试上面𠮶只面😂。