千両 (將軍澳中心)

营业中

休息中

意外地，呢个lunch set还算好食。一直都好少食”千两”。一嚟觉得佢只系贵价版元气，二嚟附近有同类型选择。今次误打误撞嚟咗食假日lunch。Lunch set好多选择，今次拣了刺身丼和滑蛋吉猪set，Set会包饭，汤，前菜同小甜品。由于而家做紧恒生信用卡500减80，所以额外叫了几个串烧。刺身丼靓靓仔仔，食落都还可以，但系刺身嘅质素稍为不及附近嘅”穴”系列餐厅。至于吉列猪扒系惊人地好食，揸得够松化，肉够晒厚但好腍，中间夹杂肥肉，系非常邪恶嘅油份！其他串烧水准好高，甚至高过穴。牛舌好明显系切啲靓啲嘅位置，鸡颈肉非常香口，鸡翼同鸡髀都够大嚿有水准。真系不能睇少连锁餐厅可以做到嘅性价比。