影片
更多
2021-08-05
695 浏览
系巴士总站附近嘅呢间西餐厅开咗好似都几年，一直无食过，今日终于一试！周末有Weekend Lunch Menu，价钱虽然偏贵，但胜在有好多选择，拣食咩餐都拣左好耐😂😂餐汤 – 番茄杂菜汤 & 蘑菇忌廉汤呢个番茄汤唔错，好开胃但无个种好抢嘅酸味，唔会好似其他餐厅D罗宋汤咁重味精～蘑菇忌廉汤系用蘑菇打蓉，食到一粒粒但系水较少煮得较杰身，唔太似汤。铁板五花肉 义大利番茄蓉(辣) ($120)一上碟就哇一声，五花肉有手掌咁大🤩 肉应该有炸过表面，食落脆脆的。番茄蓉入面有红萝卜芹菜等一齐煮，味道非常之浓郁～可以拣辣或不辣，我地点嘅系辣番茄蓉，再加左辣椒煮。不过最欣赏系佢嘅配搭，番茄蓉酸酸辣辣好惹味，配五花肉可以减低个个油腻既感觉👍🏻慢煮牛面珠炖肉 ($120)呢个牛面肉真系好正，本身呢个部位肉质好嫩，肉同胶原夹杂住，加上个汁煮得好入味同超淋😋 两份跟餐配菜有白胡椒鸡汤煮杂菜和蕃薯蓉，蕃薯蓉做得几好，唔会压到太碎仲食到少少蕃薯，而且份量都比得好多！另外蕃薯蓉可以转炸薯条/义粉/红米饭～整体黎讲呢餐都好满意，餐牌仲有好多未试可以再战！
餐汤 – 番茄杂菜汤 & 蘑菇忌廉汤
呢个番茄汤唔错，好开胃但无个种好抢嘅酸味，唔会好似其他餐厅D罗宋汤咁重味精～蘑菇忌廉汤系用蘑菇打蓉，食到一粒粒但系水较少煮得较杰身，唔太似汤。
铁板五花肉 义大利番茄蓉(辣) ($120)
一上碟就哇一声，五花肉有手掌咁大🤩 肉应该有炸过表面，食落脆脆的。番茄蓉入面有红萝卜芹菜等一齐煮，味道非常之浓郁～可以拣辣或不辣，我地点嘅系辣番茄蓉，再加左辣椒煮。不过最欣赏系佢嘅配搭，番茄蓉酸酸辣辣好惹味，配五花肉可以减低个个油腻既感觉👍🏻
慢煮牛面珠炖肉 ($120)
呢个牛面肉真系好正，本身呢个部位肉质好嫩，肉同胶原夹杂住，加上个汁煮得好入味同超淋😋 两份跟餐配菜有白胡椒鸡汤煮杂菜和蕃薯蓉，蕃薯蓉做得几好，唔会压到太碎仲食到少少蕃薯，而且份量都比得好多！另外蕃薯蓉可以转炸薯条/义粉/红米饭～
整体黎讲呢餐都好满意，餐牌仲有好多未试可以再战！
张贴
