利小館 (已結業)

两个人黎得铜锣弯唔食鱼生，扒房，荣记，兴发，都真系唔知食乜好！丫～又比我误打误撞入左哩间利小馆，原来系食上海野既，一于试下佢！佢就系o向时代UA 隔离扶手电梯一落去个位(旧和民)。 每有荷叶饭既地方，我一定会叫，童年至爱，而家唔多茶楼有得食架啦，咁我冇理由唔叫架 去片！鲍汁鸡粒荷叶饭, 个人觉得好食过东宝... 东宝之前食过觉得佢d 饭太淋, 哩个d 饭煮得岩岩好又够味, 唔错!醉鸡, 都算入味, 鸡又够滑 系争紧少少酒味姐, 唔够酒味又点为之系醉鸡呢?生煎饱, 好好味，个包超软熟，又的的色色易入口，下次必叫!食饱又点少得甜品呢桂花酿丸子 - ok 啦, 但唔会encore.之后先知原来系利苑旗下既食肆，估唔到又几好食，算是一间企理又唔洗点等位既上海及中菜馆，下次一定再Encore