三尖外賣煲仔飯

营业中

休息中

每日收工都搭巴士都经过呢间舖，睇住佢开张，越嚟越多人帮衬，好似都几稳阵，于是影低咗佢哋张menu, 临收工前WhatsApp叫定，覆得几快，而且唔洗15分钟就整好，我去到真系拎得，非常准确，叫咗个腊味三宝饭，痴线，腊味香喺个袋涌出嚟，好想即刻喺车食🤣。返到屋企都30分钟，即刻打开，包装好干净企理，个饭仲好热，足料，米粒够分明，最惊喜系啲饭焦，金啡色，仲脆脆哋，早啲食一定更正！值得欣赏佢哋将煲仔饭豉油、葱、辣菜脯分开上，够贴心。下次一定推介比同事，食lunch可以舒舒服服喺office食，而且$150可以任拣3款煲仔饭，性价比系几高，唯一可惜只有外卖自取或者app。