吉祥日本料理 (已結業)

前几天路过黄埔仁孚后面，咁啱有个车位，醒起之前有当区朋友提过有间好正嘅天妇罗，于是一路揾，原来要去到街尽头咁滞，去到一望人头拥拥我同老婆又鬼咁肚饿，于是只有放弃，一望对面见另外有间日本野，虽然都好多人但吧头仲有位，于是姑且一试，餐牌是一般居酒屋咁，样样有啲但又唔算好多嘢，谂嚟谂去见价钱唔太贵不如就试吓「亚妈家姐」即厨师发办。坦白讲日本嘢我食咗几十年贵贵都食过，一入口就知好与坏，估唔到八百几蚊竟然有中环两三千嘅效果，个餐除咗有拖罗、左口边、日本象拔之外，竟然连红衫都有，呢种鱼你唔好以为红衫系cheap嘢，实则十几年前我在跑马地某名店食过，当年几片都都要我五旧 水，呢度咁阔佬用嚟做餐，加上啲鱼好新鲜，我觉得性价比相当高。另外我哋仲加咗杂锦天妇罗，粉唔厚入口松化食完纸上亦冇乜油，可见厨房有番咁上下功力。除食物外当晚只有一位服务员，佢一个后生女跑晒全场招呼二三十人，但又保持礼貌笑容，今时今日香港真系需要咁嘅服务态度，要特别比个赞佢👍🏼