影片
更多
2023-06-14
48 浏览
餐廳裝潢行輕奢風，座位舒適，環境優雅，氣氛非常不錯，老公升職，當然要搵靚餐廳好好咁慶祝吓🎉可選6 course Menu或9 course Menu，內容都係用上高級食材，非常矜貴，賣相精緻！每一道菜店員都會解釋食物內容及食用次序，非常貼心，服務一流！餐前麵包～有兩款都係自家制的，分別係香草蕃茄包及芝士脆片，配上自家製杏脯牛油餐前小食～內含花膠同牛肋條，味道香濃，再配搭上黑松露泡沫！令人食慾大增！鵝肝凍～鵝肝凍帶有酒香，上層係麝香啫喱，有獨特嘅層次感，而兩側配有竹炭脆片，可以代替多士，更精緻特別！九州鰤魚配閃光鱘魚子～鰤魚非常新鮮配搭上青瓜汁非常Fresh!牛乾菌忌廉湯、羊肚菌清湯～先享用清湯再飲忌廉湯，之後將兩者融合，總共有三款湯可以飲到，而且各菌類特有嘅味道同口感都可以品嚐，呢個湯非常創新！亦令人印象深刻！重點係賣相非常討好！香炸燴小牛排珍珠米卷～內有牛肋條及青瓜配上燒汁，燒汁可以令肉味更加突出，外層非常酥脆，更放上已炸蟲草花，令人一試難忘！慢煮BBQ豬柳～由於以慢煮嘅形式烹調，所以肉質非常嫩滑，本身已配上BBQ醬，旁邊亦有紅椒油及黑醋可以提升味道！香煎油封鴨配芝士泡沫～蘋果木煙燻
可選6 course Menu或9 course Menu，內容都係用上高級食材，非常矜貴，賣相精緻！每一道菜店員都會解釋食物內容及食用次序，非常貼心，服務一流！
餐前麵包～有兩款都係自家制的，分別係香草蕃茄包及芝士脆片，配上自家製杏脯牛油
餐前小食～內含花膠同牛肋條，味道香濃，再配搭上黑松露泡沫！令人食慾大增！
鵝肝凍～鵝肝凍帶有酒香，上層係麝香啫喱，有獨特嘅層次感，而兩側配有竹炭脆片，可以代替多士，更精緻特別！
九州鰤魚配閃光鱘魚子～鰤魚非常新鮮配搭上青瓜汁非常Fresh!
牛乾菌忌廉湯、羊肚菌清湯～先享用清湯再飲忌廉湯，之後將兩者融合，總共有三款湯可以飲到，而且各菌類特有嘅味道同口感都可以品嚐，呢個湯非常創新！亦令人印象深刻！重點係賣相非常討好！
香炸燴小牛排珍珠米卷～內有牛肋條及青瓜配上燒汁，燒汁可以令肉味更加突出，外層非常酥脆，更放上已炸蟲草花，令人一試難忘！
慢煮BBQ豬柳～由於以慢煮嘅形式烹調，所以肉質非常嫩滑，本身已配上BBQ醬，旁邊亦有紅椒油及黑醋可以提升味道！
香煎油封鴨配芝士泡沫～蘋果木煙燻過既油封鴨，有淡淡嘅蘋果木香味，鴨皮非常微脆，而鴨肉香滑細緻中帶有一點咸香，顛覆咗油風鴨喺我心目中嘅口感！配上芝士泡沫更加畫龍點睛！
慢煮龍蝦扇貝卷～兩者都帶有鮮味，由於用慢煮既方式，口感好軟諗，而淡黃色既西洋菜忌廉清湯絕對冇喧賓奪主，襯托得剛剛好！
法式朱古力配自家製菠蘿汁雪葩棉花糖～軟綿綿嘅口感x冰凍濕潤嘅雪葩口感，雪葩內有檸檬葉，非常特別!!而且有冰煙配襯，成件事非常有仙氣！旁邊嘅流心朱古力同果仁朱古力，亦非常得我歡心🍫
张贴
