乘意 (已結業)

其实好少喺呢个场揾食，咁啱路过又有位就入去试下，有惊喜㖞。平时食西餐， 上到枱面顶多系暖，但佢全部都系热辣辣咁上枱。似乎厨师钟意蒜味，所以个香辣蕃茄大虾意粉只系微辣，但就好香蒜味。煎比目鱼意粉配柠檬忌廉汁，鱼煎得够香而不油腻。不过件鱼就细左少少，大返啲就好喇。美国牛肉汉堡，汉堡扒唔会干，有肉汁，面包有香气。至于薯条，又系热辣辣但唔干，唔系炸完又炸𠮶啲。价钱都ok，两个意粉都系晚餐，80几蚊有汤有饮品。另外值得一赞嘅系侍应好有礼貌，做嘢爽手。餐厅虽然细左啲，不过性价比讥，干净企理。