乘意

营业中

休息中

大埔呢間小店無改錯名，出品夠曬誠意，係我大埔入面常去及喜愛嘅餐廳之一！極度推薦香煎美國豬肉眼扒飯！（10/10）首先個豬肉眼扒大大塊、手掌咁大塊，有時會更大。大得嚟又唔會鞋、嫩滑易咬易食，配上少少甜唔會好辣嘅黑椒汁，極度美味。唔夠汁仲可以加汁！配菜係沙律菜+粟米粒+半個車厘茄，一d都唔hea。個飯+嘢飲成個餐都只係$58、抵食到爛、性價比極高！飲品百香果綠茶，百香果味好香，又唔會酸，好醒胃，轉凍飲+$3。（10/10）呢間餐廳舖仔細細，座位大約十幾個，坐得唔算舒適。但食物質素非常好，大推！

新正頭去完林村許願樹，返出嚟大埔墟，想搵少少嘢食，於是決定嚟寶湖花園商場試下呢間。下午茶主要係牛角包同烏冬兩種選擇，我唔太肚餓，於是就叫咗個豬扒牛角包，加五蚊配多杯即磨咖啡。牛角包比想像中大隻，差唔多有成隻碟咁大，咬落鬆脆，唔錯。豬扒肉質軟腍 juicy，肥瘦適中，煎得剛好，底下塊生菜中和咗豬扒嘅肥膩感覺，好食。即磨咖啡用雙層玻璃杯盛載，保溫度一流，坐得耐都唔會好快凍，雖然係小店，呢啲 detail 位都做到足，可見其用心經營。

#20231022 💛📍 乘意 大埔寶湖道3號寶湖花園商場2樓223號舖➖➖➖➖➖➖➖➖➖➖➖➖➖➖➖➖➖➖#水蜜桃大蝦沙律 $58💭 擺盤好有心，見到已經加晒分💯用罐頭蜜桃所以一定係甜🍑沙律菜配芝麻醬本身已經無得輸，茶份量都唔少，大蝦食落爽口，不過略嫌無咩味，如果煎香左應該會仲好食🦐.🥢 #是日餐湯 +$8💭 呢個餐湯一啲都唔馬虎，平時好多都係忌廉粟米或者忌廉蘑菇湯，呢個睇落純白色好似有啲寡咁，原來佢係椰菜花忌廉湯就覺得好特別，一飲已經好香椰菜花味，非常好飲👍🏼.#惹味冬蔭功海鮮意粉 $68💭 呢個係成餐飯最高分之作🎖️意粉煮得彈牙，冬蔭功汁少少辣好惹味，最鐘意佢啲汁多得尼又唔會搞到好稀咁，而且有好多海鮮粒之餘，仲有啲黃椒絲加添左啲甜味，性價比十分高！.#韓式泡菜雞肉意粉 $62💭 呢個相對地就無乜汁比較乾身，但味道一啲都唔差既😋面頭有啲紫菜即刻成件事韓風味重左好多🇰🇷啲泡菜係一大塊好實在，雞肉都滑身，夾埋一齊食毫無違和感.#炸雞槌配蜜糖芥末醬 $36💭 個炸雞新鮮炸起熱辣辣，一咬好juicy，而且唔會炸到過老鞋晒咁🐔不過就咁食係無咩味，所以個蜜糖芥末醬好重要，佢起左好大既用處，🐽基本

其實好少喺呢個場搵食，咁啱路過又有位就入去試下，有驚喜喎。平時食西餐， 上到枱面頂多係暖，但佢全部都係熱辣辣咁上枱。似乎廚師鐘意蒜味，所以個香辣蕃茄大蝦意粉只係微辣，但就好香蒜味。煎比目魚意粉配檸檬忌廉汁，魚煎得夠香而不油膩。不過件魚就細左少少，大返啲就好喇。美國牛肉漢堡，漢堡扒唔會乾，有肉汁，麵包有香氣。至於薯條，又係熱辣辣但唔乾，唔係炸完又炸嗰啲。價錢都ok，兩個意粉都係晚餐，80幾蚊有湯有飲品。另外值得一讚嘅係侍應好有禮貌，做嘢爽手。餐廳雖然細左啲，不過性價比譏，乾淨企理。

黑松露雜菌忌廉意粉 😋😋😋😋係薩利亞嘅高級版，醬汁嘅底夠厚醬燒牛板腱意粉 😋😋😋牛味夠出，但薄切嘅緣故，肉質有啲啲老另外，意粉可以多啲肉汁/醬汁就更好青醬玉米雞肉意粉 😋😋😋😋見到個青醬係自家製即刻試試佢個底個淡淡嘅cream，香草嘅味道幾出，尾韻配一絲嘅松子仁香係比市面上嘅青醬淡，但幾特別意粉口感都唔錯，軟硬度適中飲品🍵🥤熱苿莉綠茶：香淡解膩👍🏻凍百香果：喜歡甜嘅覺得好好味，本人覺得淡返啲更好😂凍香峰：甜度適中，十分解暑👍🏻甜品🍰奶茶蛋糕😋😋口感輕盈嘅戚風蛋糕但味道只有最後一絲好淡嘅奶茶香整體而言，計埋個價錢都幾抵食👍🏻鋪面細小，滿座可能要等等啦服務都好好，staff十分之nice👍🏻

同朋友仔出大埔食飯無意中見到呢間餐廳，見冇乜人，但係都走咗入去試吓嗌咗個紐西蘭壹級肉眼牛扒意粉，一個冬陰功海鮮意粉！味道都幾好唔錯加$8有特飲，兩杯凍飲梳打都正正常常見到啲伴菜的沙律菜冇乜醬於是問佢哋拎啲醬，佢哋都好好，即刻俾咗啲日式麻醬The salad tastes much better after they added the sesame sauce店員幾好人環境都唔錯就係奇怪點解咁少人支持？所以，寫下食評幫手宣傳一下呢間餐廳

一直路過都想試，但因為都唔算係好覺眼既位置。一黎到覺得必定要試意粉多過下午茶既牛角包啦。而食完都幾滿意，因為意粉價錢都合理。黑松露野菌意粉因為係素食無肉。所以意粉睇落都較多，而且因為個汁比較creamy仲好飽肚。不過個人口味就較喜歡照燒雞扒意粉。好味，大塊雞扒煎到塊皮夠香而雞肉又滑。而最推介飲品係凍既百香果綠茶，幾好飲。同比我感覺店員都友善。食物比我感覺係有誠意既乘意意粉。不過就留意番店舖較細，所以都唔預係比你長坐個類型，而我食完都自覺埋單。仲有留意番呢度係無提供奶茶飲品既。

食一間賣意粉嘅餐廳，要試佢嘅功夫，我覺得一定要試卡邦尼意粉，唔好味嘅話下次都唔使嚟。嚟到個賣相都幾靚，唔乾，會掛汁 (呢點好緊要) 唯一係有少少淡，餐枱上冇鹽同埋胡椒。如果有配埋沙律同埋湯嘅話，一餐會均衡少少同埋再滿足啲。呢個價錢性價比都算幾好，食完女仔會飽肚，同埋佢都算早開，11點就有意粉食，街坊街里可以一試，之前下逆市開舖嘅小店。

✨大埔新開良心Cafe❤️平民價錢幾抵食😆✨————————————————.主打意粉既小店🍝價錢都幾平幾抵食大部份意粉都係賣四五十蚊包飲品🥰街坊價錢舖仔細細 得幾張枱 但都坐得幾舒服 唔算好迫位置係暢和隔離😛今次堂食同外賣都試齊😌————————————————————Lunch 套餐包飲品❤️.🍳All day breakfast $78 (8/10)正常發揮😌份量都好夠蛋炒得幾滑 牛角包同薯餅都好脆 不過條腸好似冇煎過咁🤔沙律用黑醋調味 幾fresh.🍝紅酒燴牛肋條意粉 $65 (8/10)個味道好有羅宋湯既感覺🤤牛肋條份量都幾多 煮得軟唸入味醬汁好重蕃茄既香味 幾掛汁 不錯.🍖香草忌廉汁雞肉意粉 $49 (7/10)外賣睇落係有啲頹🤣但食落唔差表面好似好乾 其實啲汁係哂底忌廉汁幾creamy 有粟米同雞肉 但雞肉一般冇乜調味 ————————————————————📍 乘意 (大埔)大埔寶湖道3號寶湖花園商場2樓223號舖