碗碗香 (已結業)

一入去小店嘅时候老板就好热情咁样招呼，一路做咗好几个面嘅介绍，亦都好大口气讲话啲完全系冇味精，真材实料，用咗好多骨同香料去淆个汤底， 仲要话保证饮两碗都一定唔会口干，口干嘅话就揾佢算帐， 咁好呀，就睇下你有几巴闭！？我叫咗个小辣红油牛肉粉，第一下一定系饮咗个汤底先，惊喜，真系惊喜，好好饮！个汤底有少少香料、花椒、酸菜、芫茜等等夹埋一齐嘅味道，汤真系十分之惹味。之后就到牛肉，啲牛肉除咗有牛肉味之外，心机系完全明白嘅，牛肉炆到透左！超入味！不过唯一一样嘢系需要下次再试时食嘅就系个粉，而唔系食面，老板亦都介绍咗下次去到要试试佢哋个口水鸡。好，睇埋你有无讲大话先啦！？最后汤，我完全饮晒，过咗好耐都真系冇口干！好耶！最后要留意：汤底因为有油，所以先带到鲜香味道，所以可以叫少油，如果唔系，都真系几油（不过当然，味道又会有小小唔同） 食后感：铜锣湾寸金尺土，坐系比较迫，但当日去到因为冇乜人，所以都ok舒服，嘢食嘅味道同心机令我一定会再返去试试其他野。