食味道小廚

营业中

休息中

农历年前约朋友在大埔街市食晚饭, 当晚街市大部份大排档都满座, 无订台的要等位, 晚餐期间上洗手间时行经一个大排档，发觉呢档食客唔多, 于是同楼面阿姐吹水, 问下点解无乜客嘅？阿姐话由于大排档刚开无耐，仲未有太多熟客, 叫我有时间试试, 佢哋招牌烧鹅, 乳鸽。于是年初七就约埋一班朋友去食晚饭，之前已经预订一只烧鹅，老板问我几多点钟人齐，原来佢要预早40分钟放只鹅入炉烧，烧好之后要等5-10分钟先至斩得。碟鹅送到来，未放低已经闻到鹅香扑鼻，食落皮脆，肉质结实，味道适中. 当晚另外叫了一些小菜，造得也不错。昨晚和朋友再去试试老板推介的`黄金狗肚鱼', 心想狗肚鱼有乜咁特别呀, 碟鱼送来时闻到蛋黄香味，卖相吸引，原来先将狗肚鱼起骨, 炸完之后再上咸蛋黄, 用来送酒一流。老板话想食呢个菜一定要早，因为工夫多，客多就唔整. 原本想试埋乳鸽，点知手慢,被另一台客将全部乳鸽要晒，唯有下一次啦。