Thai Basil (已搬遷) 新店位置

之前山长山远黎到太古广场，谂住系楼上食汉堡包，但去到又拣唔落手。最尾好肚饿既无谂咁多，见到Thai Basil都几多人，望一眼menu就立即入左黎坐低。坐低我地光速拣野食，餐厅上菜都好快，如果唔系我地只饿鬼一定反台。软壳蟹米纸卷最先黎到嘅就系呢款米纸卷，平时我食既米纸卷摆盘都比较单调，几碌野好孤单光脱脱咁栋系碟度，对比起，呢间餐厅喺摆盘方面都有花啲心思。米纸皮唔会软烂，带啲烟韧又唔痴牙唔难𡁻。软壳蟹微温唔油腻，少少咸卜卜脆。卷内蔬菜同牛油果酱平衡番，令成个卷变得清爽。淋系旁边嘅芫茜油都唔会抢味，唔食芫茜嘅人应该唔多觉。呢个米纸卷佢配左一碟酱，系沙律酱加虾油（不过虾油又系无乜存在感），甜甜酸酸，增加左米纸卷味道嘅层次感。生菜包呢款生菜包有猪肉同鸭肉，肉碎炒得干身，鸭肉都无膻味。加埋啲香料、芫茜、罗勒叶，真系好香口！生菜同埋腌洋葱balance番重口味既肉碎，三两啖就轻松KO成碟。不过事实无咁轻松，因为呢碟对我黎讲有啲辣，食完呢个，食乜都系辣嘅。Pad Thai厨师将金边粉炒得条条分明，同时又唔会满口油，或者变左湿炒咁。亦都唔会好似有啲香港泰菜咁，落劲多茄汁当罗望子汁，最尾入口饮茄汁咁款。