佛羅倫斯牛肚包

营业中

休息中

周末行山经过中环半山区，睇YouTube知道有foodie有介绍过一间由一个来自意大利佛罗伦斯既厨师开嘅小店，主打自己家乡，意大利佛罗伦斯嘅平民美食- 牛沙瓜包，店舖嘅地点唔算就脚，所以经过附近就专程去试一试属于意大利人嘅扫街美食。牛沙瓜包所用嘅牛肉部位系非常罕见嘅部位，同我哋潮州粉面舖一般食到嘅金钱肚唔同，虽然大家都系牛嘅胃部，但系牛沙瓜就属于牛嘅第四个胃，口感同形状都同金钱肚不同，口感就比较近似猪肚。店主都系用高汤烹煮嘅方式烹调牛沙瓜，配上佢特制嘅青酱，非常开胃，店主有得俾食客选择加唔加辣酱，今次由于同伴唔食得辣，所以就冇加辣酱。而面包就同一般嘅西式面包店嘅Broiche相近，都系软身唔会好难咬，系值得推荐嘅轻食。