佛羅倫斯牛肚包

营业中

休息中

週末行山經過中環半山區，睇YouTube知道有foodie有介紹過一間由一個來自意大利佛羅倫斯既廚師開嘅小店，主打自己家鄉，意大利佛羅倫斯嘅平民美食- 牛沙瓜包，店舖嘅地點唔算就腳，所以經過附近就專程去試一試屬於意大利人嘅掃街美食。牛沙瓜包所用嘅牛肉部位係非常罕見嘅部位，同我哋潮州粉麵舖一般食到嘅金錢肚唔同，雖然大家都係牛嘅胃部，但係牛沙瓜就屬於牛嘅第四個胃，口感同形狀都同金錢肚不同，口感就比較近似豬肚。店主都係用高湯烹煮嘅方式烹調牛沙瓜，配上佢特製嘅青醬，非常開胃，店主有得俾食客選擇加唔加辣醬，今次由於同伴唔食得辣，所以就冇加辣醬。而麵包就同一般嘅西式麵包店嘅Broiche相近，都係軟身唔會好難咬，係值得推薦嘅輕食。

成日喺唔同嘅渠道都見到好多人推薦呢間嘢嘅牛肚包，但係成日都唔記得去買嚟食。今日終於過嘅時候扚起心肝去咗外賣，因為間舖頭真係好細同埋生意超級無敵好。喺門口已經聞到啲青醬同埋蕃茄嘅香味，瞬間就覺得好肚餓，買咗蕃茄牛肚，同埋傳統牛肚包，同埋一個蔬菜嘅薄餅。Pizza嚟講，因為全部都係菜不過不失，但係牛肚包同埋牛肚配飯真係好出色，咩都唔會太過於濃烈，啱啱好，牛肚好腍一咬就已經散開喺口中，配埋啲新鮮蕃茄嘅自然酸酸甜甜味道極度開胃，本身以為個飯係白飯，原來個飯係青醬飯，好邪惡，但係好好味。希望呢啲咁有心思嘅小店可以越早越好長做長有咁我就可以成日都有得食！

非常好食，正宗義大利料理，店主都係義大利阿叔。特別係牛肚飽，內餡軟嫩，外皮酥脆，調味恰到好處，清新中帶有肉香。不過就可惜堂食的話座位不多，建議經過可順手外賣帶走。

呢排見到網上好多媒體都介紹呢一間意大利嘅牛肚包，就決定同朋友過嚟試吓係咪真係咁好食。餐廳位置唔算方便，如果搭地鐵嘅話都起碼要行15至10分鐘先可以到達，我同朋友今日就比較懶，直接搭咗的士上去門口。見到有其他評論都話佢有時食材不足唔係成日開，好彩我哋嗰日去到都有開，而且餐廳見外邊有幾個人等緊外賣！😂😂牛肚包👍🏻，我覺得都唔算太貴五十幾蚊，呢一個質素同埋瞓啦嚟講我覺得合格有餘，嗰包係幾好食，餐廳係用牛肚牛沙瓜，再切碎加入香草醬，令到成個包嘅口感更加好食。第一次嘗試呢一個牛肚包，咬落去都啖啖肉咁，整體唔差。香草蕃茄牛肚飯，餐廳係為咗香港人幾特別配製呢一個飯，香草飯同埋蕃茄牛肚嘅配搭，我覺得唔錯，牛肚亦都炆得好琳，非常入味，鍾意嘅朋友都可以試吓。

今日天氣好熱，諗住食啲開胃啲又唔好太Heavy嘅嘢！上網見到有人介紹呢一間係中環嘅弗羅倫斯牛肚包即刻捉埋朋友一齊嚟🐮招牌牛沙瓜包 $58呢個包喺呢度嘅signature，本身以為牛肚會有啲韌點知食落去好似牛肉咁嫩，好有驚喜雖然牛肚本身冇乜味，但係加埋佢獨家自己整嘅青草醬汁，即刻加咗好多分，成件事十分之夾😆個醬汁唔會有咩青草味反而係好開胃，亦都唔會好漏下次經過會再食多次！🍅 意式蕃茄醬牛肚配自家製香草醬飯 $88身為飯桶，梗係唔可以錯過呢個香草醬飯知道原來老闆係特登喺香港加呢一個有飯嘅option即刻試試佢本身以為同沙瓜包嗰個醬一樣唔會有咩分別但係個香草醬夾埋落個飯度又係另一個風味一食即刻停唔到口再加埋個蕃茄醬牛肚，又係另一個好有驚喜嘅mix and match我同朋友好快就已經食到見底下次會再嚟！

我住得遠，要山長水遠搭車過黎，然後外賣咗返去食。我用錫紙包一包，放焗爐焗熱。個包估唔到依然咁好食。我只能夠講，我後悔嘅係冇即場一買即刻食。現場即買即食一定仲好食。

經網媒報導及介紹方知道呢間食肆，諗住一試究竟。地址對我黎講一啲都唔走腳，仲要係特登去果隻。由於我唔熟路都搵咗一陣，其實就唔難搵嘅。點都好，一心諗住黎食個飽，嚟到門口話由於食材不足乜乜乜，要六點後先營業。。我真係X咗出聲，見到有個男士都應該係同一遭遇，佢仲有影門口張告示，我。。真接走啦仲影 😒。。到今日，我會途經中環諗住再一戰，想打電話問吓先記得同睇見係無電話號碼，可能有其他平台搵到聯絡方法卦 🤷‍♂️

今次喺"佛羅倫斯牛肚包"點咗瑪嘉麗塔薄餅、芝士肉醬千層面同四式芝士薄餅，相當滿意嘅外賣體驗。瑪嘉麗塔薄餅真係又大又薄，餅底焗到酥脆，番茄醬同芝士味道非常fresh。四式芝士薄餅尤其出色，四種芝士完美融合，個人特別鐘意藍芝士帶嚟嘅濃厚香味，令整個Pizza味道更豐富。至於芝士肉醬千層面，層層鋪滿濃郁嘅肉醬同芝士，食落口感軟滑，而且味道非常rich，充滿咗意大利菜嘅正宗風味。總括嚟講，"佛羅倫斯牛肚包"真係一間非常正宗嘅意大利餐廳，美味同分量都十分足夠。喺家中享受呢啲美食，彷彿置身於意大利嘅小餐館，係一個非常滿足嘅外賣體驗。

以為外國人唔食牛內臟，原來牛肚包就係意大利人民間傳統食物，外表比一般漢堡包大同足料嘅牛肚包，一試驚為天人，老闆表示包同牛肚麵係每日新鮮製造。難怪包外層鬆脆，內部軟綿綿，配料鮮嫩多汁，牛肚比牛扒更有肉味，一試難忘，水準遠超平日隨處可見的漢堡招牌牛肚包$49一個，份量爆多！中環一個無肉嘅包都貴過佢，以這個價錢同份量，Florence Tippa 性價比滿分。老闆幾Friendly同風趣，下次再試其他菜色。餐廳就係大館同孫中山紀念館附近。

今日去咗堅道呢間一直bookmark咗好耐嘅野食前排睇youtube見米紙都有介紹就決定試下我地order咗佢個signature bun招牌牛沙瓜包見廚師係即場切碎牛肚同mix咗唔同嘅醬睇落巳經好似好好味一咬個包好軟淋淋好似有輕輕烤過味道反而比想像中清淡牛肚好淋同creamy味道都等得意似家庭style嘅味道而且如果一個人食曬一個都幾飽總括而言覺得都幾特別同埋真係喺香港冇地方有咁嘅食物可以不妨一試

本身住堅道附近，又成日經過呢間小店但一直未試。琴晚終於買左個牛肚包加一個parma ham pizza，好食到不得了，冇乜花巧，但就係好有原始地道味道，感覺好葛村家庭味道。雖然我冇食過正宗牛肚包，不過口感好original。上嬝google 先知原來佛羅倫斯牛肚包係佛羅倫斯名物，而且琴晚食既係牛沙瓜( Lampredotto ) 部位，唔怪之得咁好味。個parma ham pizza個皮做得好好，個tomato sauce 好fresh，似係自己做，勁多火箭菜，非常原始味道。不過佢冇堂食，我建議如果唔係住堅道附近既人而想專程黎試下，最好即買即食，門口出面有張二人凳仔可以坐，或可以企係出面食。呢間小店係全港唯一一間有賣佛羅倫斯牛肚包，而且老闆係佛羅倫斯人，夠晒正宗，絕對真心推介識食之人黎試下。

I recently tried the signature Lampredotto Bun at a small restaurant located in Central Soho area, and it was a delightful experience. Priced at $49 HKD, it may not be the cheapest option, but it's definitely worth trying, especially considering its uniqueness and the fact that it's not easily found elsewhere.The texture of the bun was spot-on - soft, yet slightly chewy, providing a pleasant mouthfeel. The real star, however, was the well-flavored lampredotto filling. The meat was tender and suc

這店是由兩位意大利人開和主持的，已經試食不同的款式，無論係 Pizza 、牛肚包、意大利粉 都非常意大利風味，總之就係好好味，價錢唔貴，我介紹咗俾我屋企人，個個都話好好！ 值得推介下次拍照給大家參考。

I had two meals here during my four-day visit, tried burger and lasagna, both tasty and the prices are surprisingly fair! (I mean HK is known for overpriced food and everything, but the nice food here could have been sold at 80-120 hkd. The prices are acceptable for me as that’s how much they are in Beijing, tho Beijing is also overpriced but a bit better than HK..)I saw this restaurant on Chinese social media Red and came all the way to try it, so worth it.