Babacio (已結業)

经过长长嘅中环扶手电梯，去到大馆行几步就可以揾到卖新鲜出炉拿波里薄饼嘅Babacia。餐厅有室内室外两部分，室外可以望到中环嘅景观，但今日比较晒所以都系坐番室内。言归正传，我哋叫咗两个Set Lunch，分别系188蚊同148蚊，分别就系贵d𠮶份有沙律。另外都有Pizza主菜同甜品或餐茶。Tuna Pizza上面有熟呑拿鱼、mozzarella cheese同蕃茄。Piccante Pizza上面有辣肉肠、mozzarella cheese同蕃茄。两款薄饼都好多汁，面团好柔软。热度啱啱好！但始终系正宗薄饼，特别嘅选择例如夏威夷pizza同北京填鸭味就真系欠奉喇整体环境同食物都好唔错，好适合喺度chill住食个lunch，当系去咗转义大利。