Primo (已結業)

呢间新开嘅意大利餐厅楼高两层，楼下系吧台同二人位，楼上就主要系四人以上座位，坐得几舒服之余又唔逼。楼下吧台隔离系个焗pizza嘅焗炉，设计到成个太空舱咁，好有特色。墨西哥鸡肉香肠Pizza呢个pizza饼底几脆，以番茄酱加芝士做底，面上铺满红椒、青椒、鸡肉、辣肉肠，咸辣味道之中尤以辣味较重，对我来讲系偏辣，食左几啖就要饮返啖水中和下。同埋佢都落左好多橄榄，除辣味以外最突出就系橄榄味，呢样有d似以前系意大利食过嘅pizza。西班牙辣蒜海鲜意粉海鲜有青口、鱿鱼、虾仁，辣蒜酱汁之中加入了白酒、柠檬汁去，食落有蒜嘅惹味之余略有点点清新，比起pizza，呢个意粉辣度嘅系微辣，比较合我口味。榛子酱芝士蛋糕芝士蛋糕嘅芝士并唔系平时cheesecake个种较硬身嘅质感，而系贴近cream嘅松软，芝士外面涂上了榛子酱，榛子芝士嘅配搭不太常见，呢种嘅咸甜配搭，口感不腻，真系好好食！