影片
更多
2018-07-22
58 浏览
Happy Friday, 老公又黎接收工一齐去朋友介绍既意大利餐厅~朋友们话呢到好高质, 岩晒我地黎想当年~ 因为我地系意大利拍拖有好多回忆..一入去就见到好大个bar area仲有几张high table已经有人饮紧野, 我地就被带去dining area坐低, 老公叫左两杯prosecco先, 然后我地再睇下食咩好~头盘我地叫左一份bruschetta, 同一份beef tartar! Bruschetta既蕃茄系一座小山咁, 睇见都开心, 佢调味调得岩岩好, 一啖又一啖, 好食!Beef tartar既份量都唔少㖞, 如果多个人食都无问题, 佢好新鲜, 入口好香牛味, 唔会有渣有筋, 我地放左少少Bruschetta既蕃茄落去一齐食, 佢本身有啲洋葱味, 所以夹埋就好似食紧burger咁, 哈哈~ 头盘已经有好高评价啦! 之后main course我地叫左我既最爱Lasagna , 芝士好香, 好滑, 一啖入口所有香味都一齐涌晒出黎, 呢个份量呢个味道我完全可以自己一个食晒一碟啊! 必点啊! 老公仲简左款red黎配我地既main course添~我地系意大利既回忆又点少得Piz
一入去就见到好大个bar area仲有几张high table已经有人饮紧野, 我地就被带去dining area坐低, 老公叫左两杯prosecco先, 然后我地再睇下食咩好~
头盘我地叫左一份bruschetta, 同一份beef tartar! Bruschetta既蕃茄系一座小山咁, 睇见都开心, 佢调味调得岩岩好, 一啖又一啖, 好食!
Beef tartar既份量都唔少㖞, 如果多个人食都无问题, 佢好新鲜, 入口好香牛味, 唔会有渣有筋, 我地放左少少Bruschetta既蕃茄落去一齐食, 佢本身有啲洋葱味, 所以夹埋就好似食紧burger咁, 哈哈~ 头盘已经有好高评价啦!
之后main course我地叫左我既最爱Lasagna , 芝士好香, 好滑, 一啖入口所有香味都一齐涌晒出黎, 呢个份量呢个味道我完全可以自己一个食晒一碟啊! 必点啊! 老公仲简左款red黎配我地既main course添~
我地系意大利既回忆又点少得Pizza~ 我地就叫左最classic 既Marherita! 佢地蕃茄酱好香好香, 食到蕃茄本身既鲜甜味, 加埋芝士真系不得了! 呢个pizza size都系三个人食都可以。
因为老公仲未饱所以我地就叫多左一份steak, 佢on side配左balsamic vinegar, extra virgin olive oil with truffle, extra olive oil with garlic lemon juice and herbs, 仲有extra virgin olive oil with hot sauce 侍应好细心咁提醒我地系用hot stone上所以要小心唔好烫到手~介绍埋4款sauce比我地。我同老公都觉得truffle & hot sauce最好味, 不过整体黎讲比较淡, 所以我地都点左盐黎吊吊味。
最后又点少得甜品呢, 因为老公唔好甜食, 所以只系叫左一个tiramisu, 佢menu 有好多新奇口味既tiramisu好似芒果士多啤梨菠萝咁, 但我都系stick with传统既原味~ 食落唔会太甜, 有咖啡既苦, 又够湿润, 系一个会令人满足既甜品!
我地当日好似撞正有event, 有少少嘈, 比较难倾到计, 下次会简星期四去, 朋友话仲有live band添啊~~~
张贴
