影片
更多
2019-03-14
1344 浏览
知道「CIAK」有两间，一间系中环，而另一间系太古，同样都系由米芝莲三星名厨Bombana担任顾问既意大利餐厅，仲拎到「米芝莲车胎人美食」推介，主打手工薄饼、手工意粉等传统意大利菜，今晚就带埋屋企人黎试下。 环境位于太古城广场，都好易揾，有室内室外，餐厅都好大，被安排到坐室内既位置，座位同座位之间好宽敞，座得舒服，店内都以外国人侍应为主，服务都好好。餐牌其实都有Dinner Set，不过我地就拣左散叫，选择不算十分多，主打手工薄饼、手工意粉，但都有前菜、主菜等等。餐包烘得热腾腾先上枱，仲有小小微焦，食落外层脆口，面包软熟，麦味好香，仲可以不断Refill。组合薄饼 $280 (10’’)拣左Pescatora(香辣杂锦海鲜薄饼配芝士蕃茄酱)及Estiva(意式风干火腿配火箭菜，车厘茄芝士薄饼)。薄饼会用架撑起上枱，眼见包边烘得好靓，微焦黑，Pescatora有鱿鱼、虾、蚬，配上芝士蕃茄酱，芝士份量岩岩好可以拉丝唔会过多，茄酱浓郁，饼底松软而又不失脆口，唯一不足系太少海鲜，唔系好食得岀。而Estiva上既风干火腿都算多，唔会过咸，呢款味道就比较清淡，相比之下Pescatora更岩我口味。
环境
位于太古城广场，都好易揾，有室内室外，餐厅都好大，被安排到坐室内既位置，座位同座位之间好宽敞，座得舒服，店内都以外国人侍应为主，服务都好好。
餐牌
其实都有Dinner Set，不过我地就拣左散叫，选择不算十分多，主打手工薄饼、手工意粉，但都有前菜、主菜等等。
餐包
餐包
39 浏览
0 赞好
0 留言
烘得热腾腾先上枱，仲有小小微焦，食落外层脆口，面包软熟，麦味好香，仲可以不断Refill。
组合薄饼 $280 (10’’)
组合薄饼(10’’)
$280
33 浏览
0 赞好
0 留言
组合薄饼(10’’)
$280
27 浏览
0 赞好
0 留言
拣左Pescatora(香辣杂锦海鲜薄饼配芝士蕃茄酱)及Estiva(意式风干火腿配火箭菜，车厘茄芝士薄饼)。薄饼会用架撑起上枱，眼见包边烘得好靓，微焦黑，Pescatora有鱿鱼、虾、蚬，配上芝士蕃茄酱，芝士份量岩岩好可以拉丝唔会过多，茄酱浓郁，饼底松软而又不失脆口，唯一不足系太少海鲜，唔系好食得岀。而Estiva上既风干火腿都算多，唔会过咸，呢款味道就比较清淡，相比之下Pescatora更岩我口味。
蛋黄芝士汁伴风干烟肉粒自家制幼面 $160
蛋黄芝士汁伴风干烟肉粒自家制幼面
$160
35 浏览
1 赞好
0 留言
热盘挫热碟再上菜系正宗西餐必做步骤，呢到当然做到。蛋黄芝士汁挂系每条意粉之上，加上酱汁有落芝士，味道以咸味为主又有芝士香，亦较稠身，所以能挂系面条上。自家制幼面煮得有咬口而且食到面粉香味，高质意粉！
炭烧澳洲M5和牛西冷牛扒(9安士)配薯菜 $340
拣左5半熟，贴心地已经切好再上枱，唔系厚身扒，属薄身扒，煮既时间差左少少，因为中间为五成熟，但头尾端有啲过左五成熟去到七成咁制。牛味十分浓郁，好香炭烧味，带少少筋但唔会咬唔郁同有渣，不过扒身干左少少，肉汁唔够劲。
传统芝士蛋糕 $90
试左个传统Cheesecake，会有埋雪糕可以拣味，拣左咖啡味，仲伴有啲朱古力碎饼，不过Cheesecake较逊色，好易散同口感偏粉，芝士味弱。
总括而言，质素果然高，PIZZA必点，意粉都一定要食佢地手工制既系列，环境舒服，都见有好多情侣或者闺蜜们系到食饭倾计，气氛、食物都一流既意大利餐厅。
张贴
