影片
更多
2019-04-26
108 浏览
今日驾车去沙田游车河🚗经过呢间餐厅🍴比个名吸引左注意⚠️〔原本以为系BMW M3既餐厅😂〕原来系食意大利菜🇮🇹一入到去就好觉得好有格调，我地平日七点钟左右食，人流唔算多，好安静既环境，好舒服！侍应既服务态度也好好，穿著统一既制服，比人一种好专业既感觉。总共叫左两个餐，再+$60转左2个套餐套餐组合〔是日餐汤、凯萨沙律/田园沙律、焦糖炖蛋/蓝苺奶冻〕-*留意返：净系星期一到星期五既晚市先可以升级至套餐架！是日餐汤系忌廉蘑菇汤〔配餐包〕蘑菇味十足，汤既浓稠度刚刚好，而餐包非常软熟，里面还有一点黑芝麻，沾汤食十分好味！-〔另外侍应仲有特别吩咐我们可以试下沾少少枱面上既油，可以增添风味！〕套餐外我地仲叫多左两杯饮料🥤-蓝橘子青柠梳打（左边👈）$38青柠梳打中柠檬🍋既酸味，撞上蓝橘子🍊少少清甜既味道，橘子既香味令到成杯饮品更加清新！系一杯唔会好单调既青柠梳打！-夏威夷菠萝梳打（右边👉）$38我无谂过呢杯既颜色竟然系蓝色渐变，好特别！最特别既系呢杯饮品既渐变色，当你搅匀之后会慢慢由蓝色转变为绿色，玩得好过瘾！菠萝🍍既味道好甜，里面仲有杂果同椰果，可以食又可以饮，不错👍🏻！套餐既沙律🥗〔凯撒沙律&田园
一入到去就好觉得好有格调，我地平日七点钟左右食，人流唔算多，好安静既环境，好舒服！侍应既服务态度也好好，穿著统一既制服，比人一种好专业既感觉。
总共叫左两个餐，再+$60转左2个套餐
套餐组合〔是日餐汤、凯萨沙律/田园沙律、焦糖炖蛋/蓝苺奶冻〕
-
*留意返：净系星期一到星期五既晚市先可以升级至套餐架！
是日餐汤系忌廉蘑菇汤〔配餐包〕
蘑菇味十足，汤既浓稠度刚刚好，而餐包非常软熟，里面还有一点黑芝麻，沾汤食十分好味！
-
〔另外侍应仲有特别吩咐我们可以试下沾少少枱面上既油，可以增添风味！〕
套餐外我地仲叫多左两杯饮料🥤
-
蓝橘子青柠梳打（左边👈）$38
青柠梳打中柠檬🍋既酸味，撞上蓝橘子🍊少少清甜既味道，橘子既香味令到成杯饮品更加清新！系一杯唔会好单调既青柠梳打！
-
夏威夷菠萝梳打（右边👉）$38
我无谂过呢杯既颜色竟然系蓝色渐变，好特别！最特别既系呢杯饮品既渐变色，当你搅匀之后会慢慢由蓝色转变为绿色，玩得好过瘾！菠萝🍍既味道好甜，里面仲有杂果同椰果，可以食又可以饮，不错👍🏻！
套餐既沙律🥗〔凯撒沙律&田园沙律〕
极度推荐：凯萨沙律🥗
凯萨沙律上面仲有一块薄薄既蒜蓉包，同一片芝士脆脆！另外仲有好多芝士粉同烟肉粒，配菜中有酸荞头，非常特别！！
芝士脆脆非常好食，脆身，食落劲香芝士味～满分💯
田园沙律🥗十分清新，建议可配上枱面既黑醋一齐食，可以令沙律有不同变化～！！
其中一道主菜：M3秘制烤乳猪〔伴薯蓉及红酒烧汁〕 $228
餐厅少数有得叫乳猪食，见有得叫就紧系试下啦！乳猪份量十足，个皮劲脆卜卜，食落好似食薯片，每口都卜卜脆声！真系值得一赞！另外乳猪既肉劲多，仲要劲嫩滑，的肉汁丰富，好好味！
伴碟既薯蓉都比到我好深刻印象，因为薯蓉打得非常顺滑，另外仲好重芝士味！食到咪埋眼，实在太好食！
另一个主食：烤纽西兰羊扒〔伴薯蓉及红酒烧汁〕$208
⚠️美食注意⚠️
极度惊喜！羊扒烤到七成熟，非常嫩口，啖啖肉，肉汁每一口都充斥著系口腔内，好像有十只羊系口腔奔跑咁！必须一试！
红酒烧汁既味道调教得好好，唔会太浓郁，太抢味，用来转换口味刚刚好！
配菜仲有三层既烤瓜类，配上薄荷酱，个薄荷酱劲香既薄菏味，食落非常清新！烤瓜烤得刚刚好，外层好香，食落仲好有水份！
到套餐甜品时间：焦糖炖蛋
摆盘非常精美！面头烤上一层劲厚劲脆的焦糖，系甜蜜滋味！炖蛋唔会好甜，配上焦糖脆，非常适合！
另一个甜品：蓝苺奶冻
蓝苺酱分量非常多，每一日奶冻都可以沾到足够既蓝苺酱！奶冻质地好滑，不会太甜，食著非常顺口！
-
呢间意大利🇮🇹餐厅既食物水准真系好高！价钱又唔会好贵！值得一提既系呢度既侍应都非常留意客人，例如我既饮品已经饮完，佢地会立即比杯水喝，非常贴心！
张贴
