Oliver's Super Sandwiches (已結業)

super sandwiches自从新装修后，地方空间感大左，坐位多左。平时多食下午茶，因为平日下午茶有个苏皮汤加个细意粉，加多杯热饮，都系夜晚一个意粉嘅价钱，但系就有三种享受，系唔系特超所值呢 个汤嘅包面系我最钟意食嘅部份。又脆又松软，将包面放入热辣辣嘅汤入面，面包脆变淋，咬落有两个唔同层次嘅口感，再加入汤嘅味道，浓浓满口都已经被汤沾湿脆淋嘅包包围，果一刻有种又满足又幸福嘅感觉岀现。因为食左个汤后，饱肚感已经有六成。再配合个迷利size白汁三文鱼意粉，对我黎讲份量刚刚好。个意粉嘅白汁味道适中，食落有忌廉和小小奶嘅味道，唔太浓。三文鱼是干身果种，与白汁嘅味道好协调。食哂再饮杯热柠水，perfect match，又可帮助消化。