鯛魚湯專門店 (已結業)

鲷鱼食得多，平时鱼汤米线亦有食过，但鲷鱼鱼汤泡饭我都系第一次食！今日由湾仔行去铜锣湾既时候发现呢间新开既鲷鱼专门店，题材创作，价钱虽称不上大众化但仍合理，所以当然要试试！《海胆泡饭》睇见餐牌特别推介海胆泡饭，又可以自己选择想要既配料，于是我另外拣左鲍鱼+花胶+鲷鱼！系咪好矜贵！呢碗野既组合真系好创新，不得不赞泡饭加海胆虽然突兀但当将海胆混合鱼汤一齐食又几甜美！花胶比相像中大件，并唔系平时打边炉哥只扁平既薄花胶，而系长筒形，口感软绵。鲷鱼价钱好亲民，唔鞋唔腥。《炸蚝》比好多日本料理餐厅做得好，炸粉唔会厚，蚝又有鲜味而炸得恰到好处，即叫即炸！