影片
更多
2016-09-08
209 浏览
有时候夜晚我净系想食啲甜品就算，但系身边嘅男性朋友一定唔可以咁样做啦，一定需要食d饱肚嘅食品，如果唔系会成晚嘈住晒，话唔够饱，所以有阵时都唔知就得佢定系就得我自己。今日行过呢度嘅门面，见到真系超级靓，睇落去又光猛，啲蛋糕一件件放喺个玻璃雪柜入面非常之瞩目，非常之靓，所以我嘈左好耐非要入呢间食晚饭不可！好神奇原来呢度除咗甜品之外，仲有咸食，所以我嘅男性朋友都非常之开心，终于有嘢岩批食，哈。一开始睇个餐牌嘅时候见到有几款晚餐可以选，都系一啲套餐嚟嘅，会包一杯野饮，一个煮食，同埋一个小食。谂住净系叫一个套餐再加一个甜品，但系去到柜台买飞嘅时候店员竟然话原来呢啲套餐都系买一送一！心谂实在太抵啦！＄88仲要买一送一真系超级吸引！所以就叫左一个卡邦尼亚年糕同埋一个韩式辣酱拌冷面餐。卡邦尼亚年糕餐--年糕餐除左主食年糕之外仲跟咗一个炸饺子。个饺子肯定系即整的，热辣辣，咬落去中出烟，咬落去入边出哂烟，再点埋佢配嘅酱汁，味道好好味！年糕好烟韧，佢嘅味道同普通西式嘅卡邦尼亚意粉嘅味道差唔多，但系佢唯一唔同嘅就系多咗辣味，应该就系加左韩式嘅辣椒粉，第一啖食落去𠮶阵时候已经感觉到好辣，但系食食吓去夹埋啲芝士嘅
今日行过呢度嘅门面，见到真系超级靓，睇落去又光猛，啲蛋糕一件件放喺个玻璃雪柜入面非常之瞩目，非常之靓，所以我嘈左好耐非要入呢间食晚饭不可！
好神奇原来呢度除咗甜品之外，仲有咸食，所以我嘅男性朋友都非常之开心，终于有嘢岩批食，哈。一开始睇个餐牌嘅时候见到有几款晚餐可以选，都系一啲套餐嚟嘅，会包一杯野饮，一个煮食，同埋一个小食。
谂住净系叫一个套餐再加一个甜品，但系去到柜台买飞嘅时候店员竟然话原来呢啲套餐都系买一送一！心谂实在太抵啦！＄88仲要买一送一真系超级吸引！所以就叫左一个卡邦尼亚年糕同埋一个韩式辣酱拌冷面餐。卡邦尼亚年糕餐--年糕餐除左主食年糕之外仲跟咗一个炸饺子。个饺子肯定系即整的，热辣辣，咬落去中出烟，咬落去入边出哂烟，再点埋佢配嘅酱汁，味道好好味！
年糕好烟韧，佢嘅味道同普通西式嘅卡邦尼亚意粉嘅味道差唔多，但系佢唯一唔同嘅就系多咗辣味，应该就系加左韩式嘅辣椒粉，第一啖食落去𠮶阵时候已经感觉到好辣，但系食食吓去夹埋啲芝士嘅味道有几夹㖞。
韩式辣汁拌冷面--超级正嘅味道！其实本人就唔系好钟意食韩式嘅水冷面，所以就觉得韩国嘅冷面差唔多味道，唔系咁想试，但系见佢买一送一就试吓呢个，点知超级惊喜！
冷面整出嚟冻冰冰好好食，而且加左种好好味嘅辣椒酱，有小小蒜蓉嘅味道(味道有d似我地食开嘅捞捞小食)。估唔到可以甘好食，但系提提大家呢个面真系有d辣。我超中意食辣，简直超岩我胃口！
套餐仲配左柚子鸡翼，鸡翼热辣辣炸出嚟，外面脆卜卜，入面啲鸡肉仲系好嫩，上面就加左少少韩式嘅柚子酱，食落去𠮶阵味好清新。
其实两个套餐两个人食已经绰绰有余，但系我入嚟本身系为咗食甜品，所以点可以放过！我就叫左一个芒果雪花冰，平时我食开刨冰一定要另外加媡奶食先至OK嘅，因为我好中意甜，但系呢度嘅刨冰一早喺冰入面加左奶一齐打，令到我觉得唔需要再额外加已香甜，比起我另外加媡奶更好，唔会盖住冰𠮶阵味。
而且芒果好甜，好熟，一啖刨冰一啖芒果，又或者笃烂小小个芒果肉，捞埋一齐食，超级好味，食完成个人超级满足！
两个人食咗两个套餐再加埋一个刨冰埋单都系差唔多＄200，食嘅嘢又超多，仲要有番甘上下嘅质素，真系一定有下次！仲要好快有下次，哈哈！
张贴
