白色雪花之公主 (已結業)

想食雪花冰，上次食過依間記得唔錯，仲驚要排隊....點知去到一開門發現明明係星期日9點幾竟然一個人都冇，呆咗呆以為係咪未開門，店員又唔講嘢只係一副我打擾到佢咁嘅樣望住我，ok 是但，香港食市不嬲都唔係服務好，算，照order，結果明明完全冇人但餐牌差唔多一半都sold out，地下又一噠紅色黏液唔知做乜。等冰上，嘩比起上次細咗又難食咗好多，同個模型簡直係廣告與現實，又成$70一份駛鬼食你咩係咪換咗老細呀？....冇下次

曾經係元朗都有過依間野，個時好大碗超級大碗，之後元朗個間執左，點知俾我係尖沙咀遇返佢！尖沙咀依間份量比較少，我唔知係分店問題定點元朗個間我最後食都已經係2015年😂可能物價上漲所以食物縮水掛講返味道先，d冰有牛奶味，oreo碎夠多，兩者係好夾~朱古力雪糕好夠朱古力味，撈埋d牛奶冰一流！d冰溶得唔算快，我地普遍速度食都只係溶左少少，我覺得可以接受，價錢都唔算太貴地點又方便，夜晚人唔多，一班fd去傾下計唔錯~

個餐牌有8款食物，但一叫原來得4款有....叫左豚肉濃湯拉麵同埋韓式炸醬麵，比完錢過一陣有個店員行埋嚟話連炸醬麵都無晒！（個餐牌另外仲有好多食物係唔提供的）又唔比退錢，迫我轉其他，但其他真的一啲興趣都無喎！：（最後我企硬，廚房裡面嗰個人先話比二十五分鐘佢，佢再煮過個汁比我再整炸醬麵....同埋我發現餐廳一律用即棄餐具，無論碗、碟、杯仲有刀叉、匙羹都係！好唔環保下。餐廳環境還好，不斷播放KPOP，不喜歡會覺得好煩。

一間無人幫襯既甜品鋪，收$50最低消費。係收銀處落單時問嘅第一條問題係你有幾多人，我哋有最低消費喎。綠茶雪花冰-綠茶粉無綠茶味，俾黃豆份蓋住咗。店員表示我地啲綠茶粉喺溝黃豆粉，所以係黃豆粉咁嘅色。-冰底無味，只能靠其他配料提味。綠茶雪糕無綠茶味，極度甜，甜味相當科學，似食緊糖霜。-紅豆蓉同年糕不予置評，正常買返嚟嘅貨色。Lemon Honey Fruit Tea -內有大量檸檬，好似飲緊檸檬汁緊-為咗最低消費先叫，點知都係伏👏總結：如果尖沙咀啲甜品鋪唔喺執淨咁少，都唔會嚟試伏。

是咁的,琴日同個D出尖沙咀,行到有D累又肚餓就求其搵間野食晚餐啦,見到呢間野外面張餐牌話飯+飲品48蚊,心諗尖咀呢個價算係咁,就決定食呢間,點知呢個就係中伏既開端。入到去,見張餐牌有一半以上既野都SOLD OUT, 想食既野全部冇哂, 問個店員包野食包咩野飲,佢就只係好串咁指一指塊牌上既好細隻字,完來係包杯茶咁大把, 個下已經想走,但個FD話都入左黎就食埋啦咁, 結果都係照去左落餐。講到落餐，我叫左海鮮烏冬, 個FD就係叫拉面, 黎到用紙碗裝住既,配料有4隻硯,1條蟹柳切2半,份量細都算,仲而好淡冇哂味, 入面個4隻硯全部勁多沙,個FD個碗我唔知咩味啦, 但佢成程都KEEP住講好難食....  同場仲有個阿叔叫左碗面,問個店員拎筷子,但個店員唔肯比佢, 要個阿叔發現店員身邊有成盤餐具係度,阿叔講哂粗口鬧佢先肯比...真係唔知店員咩心態...最後走左之後...2個人都仲係好餓, 發現原來行多幾步過條馬路有間JOLLIBEE, 即刻入去叫餐,D雞好正, 完美KO KFC, 極度推介...完

臨近食dinner 時間見無乜人，同埋d 甜品模型幾吸引就入去la點知間野好伏cashier 個收銀勁吽未訓醒咁一般每個野食都有個code，咁我就照code 落order佢就發夢要搵一輪背後個menu 先知係乜"爆谷雪糕"雪糕中間空心，味道零特別另外叫左個海鮮烏冬盛惠$4x，已經燥到無影相，份量少到喊，男仕兩三啖食完情願食7仔d撈面好過無第2野，千祈唔好入去跌錢

豚肉濃湯拉麵啲湯完全唔夠熱，味精湯，蜂蜜水果檸檬茶要＄38但係淡而無味，，總括嚟講難食😩😩。海鮮湯烏冬個湯好夠熱👍🏻，不過烏冬份量好少。店員落單態度差😡😡

垃圾餐廳 無服務 員工態度差 個樣好似得罪佢地咁 食物一啲都唔好食 份量少 基本食拉麵嘅餐具都無 第一次用紙碗食拉麵 用膠叉 同用隻細到死既spoon 湯到(不)唔到 真係好垃圾 10分滿分 1分都唔值

今日lunch唔知食咩好，係樂道行黎行去，初初以為呢間餐廳淨係食甜品，點知見到個lunch set menu , 全部都係$48 送飲品！全部都係麵類！即管入去試一試！係cashier叫餐，叫左個魚片辛辣麵，送既野飲就冇得揀，係凍既麥茶。叫餐後姐姐會比個牌你，跟住你就可以搵位坐，等個牌閃閃震就可以去取餐。等待既時候發現左呢個叉電位，哈！都幾貼心，岩晒而家啲低頭族！魚片辛辣麵 送麥茶正宗韓國魚片👍🏻👍🏻👍🏻超索湯！好味呀！其實我自己冇食過包裝既辛辣麵，所以我唔知我呢個麵同超市買既有冇分別！但係呢個麵係堅好味！唔健康既公仔麵永遠都係好味！夠曬辣！要用紙巾抹鼻涕！好在係送杯凍麥茶，送杯熱既都唔知點算！食後感不錯！下次要試埋佢既甜品！

晚餐本來選舉不多，再加上有2款已貼了sold out 貼，點知order 時原來已有更多sold out, 又唔寫明！而且女店員講野唔清析，講到一舊舊，語氣也不好，但因為差不多9pm不想再找其他店便點了剩下的選擇。雖然是cafe快餐格局但食物一點都不快，等左差唔多十五分鐘！來了2碗紙碗装的拉麵，味道沒有任何要求了，能吃就算之後有其他客人入來，另一男侍應態度蠻差的說現正只有甜品供應，客人想再問清楚，他就不耐煩！好好一間韓式甜品連鎖店來到香港變成垃圾

食完飯之後，姐夫話見到間食甜品好吸引，咁一行8人就去試下啦我同老公都係榴槤控，所以二話不說就嗌咗兩杯榴槤沙冰（每杯$45）；另外由於8pm 後每人最低消費$50，我地都左揀右揀嗌夠數我地嗰兩杯榴槤沙冰？！韓國沙冰嘅定義同香港係咪唔同架？顏色黃到似加咗色素，質地似稀水，味道係似榴槤嘅嘢溝咗喺冰水咁嘅味其實我唔覺得人有你就要有，都係做好自己本分，穩定下實力先啦，可能佢其他嘢係真係唔錯，但我入到嚟試第一樣嘢就係咁嘅品質，係咪賺夠想趕客？

星期六食完晚餐同4個友人去試試環境 :  不是太清潔服務: 態度十分差, 可能係自助式食物:  看附圖(等左15分鐘要自取) 價錢: 比成$300食冰我估食不會再去

Please do not be fooled by the window display!! As soon as we walked into the store, the staff was extremely rude. We wanted to borrow a tray to carry two glasses of ice cream but the woman harshly refused and said "your product cannot be carried with a tray"...... The attitude was absolutely appalling. We ordered two glasses of ice cream, one was tiramisu and the other green tea. The real products were nothing like the pictures nor the dummies on display. There were no chocolate bits on the tir

一進店就見到餅櫃~顏色漂亮的蛋糕毛毛蛋糕和童話故事中毒白雪公主的誘人的蘋果~點了個熱的柚子味蜂蜜水果茶唔……想像一下咳嗽的時候要喝的東西綠茶雪花冰~很吸引吧份量夠2~3人吃雪花冰是一層冰, 一層綠茶黃豆粉加煉奶重覆鋪鋪滿後加上年糕, 紅豆蓉和綠茶雪糕最後灑上綠茶粉雪花冰當然是很幼細, 入口即溶再配上甜度適中的煉奶和黃豆粉又涼又爽~綠茶味又能中和甜味~~鍾愛的年糕也好好吃同場點了雪糕多士BUT, 確定這是雪糕多士不是士多啤梨多士嗎?士多啤梨醬超濃, 有點人工味多士本身是很脆喇~P.S. 看到很多人點奧利奧雪花冰, 好似很好吃的有個怪獸花冰可以4~5人吃的, 超大碗, 看到就開心

自從在電視看過韓國綜藝節目「Running Man」之後，我發現自己開始愛上了食韓國菜。而且現在的韓國菜，不再是單純只吃烤肉和豬肉料理，韓國炸雞、雪奶和炸醬麵都能挑起我的食慾，甚至現在我幾乎想每餐都吃炸雞和雪奶，最好能去到韓國，餐餐都吃韓國炸雞。可惜在我媽眼中，食韓國菜仍然等於食豬肉，所以仍然抗拒跟我去韓國旅行，怕我去到韓國，遇上每餐飯都是豬肉的話，會當場失控發狂，儘管我不斷向她解釋，結果還是不得要領，阿媽寧願去日本旅行，也不想我冒險犯難。既然我還未有機會吃到韓國的地道菜，唯有繼續在香港，找可以吃韓國雪奶的餐廳，食雪奶、炸雞和炸醬麵，解決我對韓國菜的幻想和期盼。繼上次荃灣的「冰雪公主」後，我又找到另一間吃到雪奶的韓國餐廳，「白色雪花之公主」。這間「白色雪花之公主」位於尖沙咀「樂道」附近，在「i-square國際廣場購物中心」對面的位置，要遊客知道它的存在不算難事，但是「白色雪花之公主」能否在尖沙咀立足，就要看它們的食物味道如何。適逢星期日晚上，每星期一次正餐暫時的「解禁」機會，我在晚上六點左右來到「白色雪花之公主」，準備開始在「白色雪花之公主」炸醬麵，加雪奶的試食體驗之旅。「白色雪花之