湯加 (天晉匯)

营业中

休息中

之前叫过Keeta印象都唔差，日前Halloween晚行行吓经过，于是试吓堂食。先讲嘢食，叫咗个鸡炖汤加白饭(本来想叫蹄花汤佢又冇，乌鸡汤佢又冇)，个汤比一般常见炖汤大一倍，热辣辣，有只嫩肉鸡脾，送饭都唔错，而且可以免费添饭，觉得价钱好合理。楼面方面… 都唔知点讲，一入到去就有个幼稚园妹妹喊到拆天扭计，店内超级应声，净系听到个家长同佢讲再嘈会被店员赶佢走，却冇心自行抱出去帮佢冷静，于是系咁嘈系咁嘈，另一面店内系统又间歇大大声报接到keeta单，然后又不停有电话响，楼面得两个店员，已经好好脾气爽手做，但感觉真系好嘈好混乱，直到个妹妹走咗先开始静落嚟。食完之后觉得下次想食都系叫外卖算了。