影片
更多
2024-04-17
305 浏览
平时lunch time 喺火炭，就会觉得一定冇啖好食。今日嚟拗背弯街做嘢，十二点几放lunch break由街尾行返上街头揾嘢食，忽然见到有工间工厦门口个易拉架写住：楼上好食D、舒服D、抵食D，我正想揾好食啲嘅嘢，于是停低望清楚个餐牌，见到啲价钱唔算好平，不过如果真系好食啲又舒服啲，我都唔mind俾多少少。😊间餐厅好近䢂口，所以都好容易揾，去到门口已经有人招呼我坐咗喺张二人枱，佢哋问我系咪一个人之后就收咗对面𠮶套餐具。OMG, 冇谂过工厦嘅餐厅都唔使搭枱。😅呢度都好先进用QR code落单，午餐仲有好多款式拣，真系有啲花多眼乱😂。我本来想健康啲食个牛油果南瓜藜麦沙津，最后见到佢哋餐牌上面有海鲜鸡扒喇沙米线，而且$72都唔算好贵，一于试吓。碗米线好快就嚟，本来都冇谂过要影相，见到碗嘢个卖相咁正，唔影对唔住自己。🤣🤣仲未影完，有个餐厅姐姐问我要唔要汤，佢话系罗宋汤好好味㗎，其实我个心谂我叫𠮶个系汤米线，所以就剔咗唔需要餐汤，不过既然佢咁有诚意，我就要咗佢啦。😂碗汤细细碗，但真系几好味。😋起初食碗米线时觉得有啲辣，我问俾汤我𠮶个姐姐攞杯水，佢问我要唔要冰水（又几细心㖞），食落发现好食到停唔
间餐厅好近䢂口，所以都好容易揾，去到门口已经有人招呼我坐咗喺张二人枱，佢哋问我系咪一个人之后就收咗对面𠮶套餐具。OMG, 冇谂过工厦嘅餐厅都唔使搭枱。😅
呢度都好先进用QR code落单，午餐仲有好多款式拣，真系有啲花多眼乱😂。我本来想健康啲食个牛油果南瓜藜麦沙津，最后见到佢哋餐牌上面有海鲜鸡扒喇沙米线，而且$72都唔算好贵，一于试吓。
碗米线好快就嚟，本来都冇谂过要影相，见到碗嘢个卖相咁正，唔影对唔住自己。🤣🤣仲未影完，有个餐厅姐姐问我要唔要汤，佢话系罗宋汤好好味㗎，其实我个心谂我叫𠮶个系汤米线，所以就剔咗唔需要餐汤，不过既然佢咁有诚意，我就要咗佢啦。😂碗汤细细碗，但真系几好味。😋
起初食碗米线时觉得有啲辣，我问俾汤我𠮶个姐姐攞杯水，佢问我要唔要冰水（又几细心㖞），食落发现好食到停唔到，原本冇谂住食晒成碗，佢哋啲米线幼幼哋，煮得啱啱好，唔会太腍，汤底唔系好重椰香味，超正！食吓食吓成碗清哂🤣🤣🤣。
我同个姐姐讲好好味，佢指指厨房入面话𠮶个系老板，跟住老板出嚟同我倾偈（有啲吓亲😂😂），老板话一定要试K1双色芝士牛油果 南瓜野菌藜麦焗饭，仲话出边食唔到㗎。
海鲜鸡扒喇沙米线
$72
146 浏览
0 赞好
0 留言
呢度唔单止嘢好食、服务仲好好添，埋单个阵发现有好好嘅服务，但系唔使俾加一👍🏼👍🏼。
今餐系我喺火炭区入边食得最开心最满意嘅一餐，以后嚟火炭唔会觉得冇啖好食啦！🤣🤣🤣
张贴
