韓宮 (已結業)

睇演唱会之前，就去黄埔揾下野食啦，见佢咁多韩文又拎奖咁好巴闭咁就试下佢。前菜有一碟泡菜系唔知油麦菜定生菜，几特别。最中意系佢个炆薯仔咁既小碟。佢既薯仔似安东炖鸡佢只味。好入味，好好食！半半炸鸡规定左一半甜辣一半原味。甜辣个酱有少少痴牙，不过个鸡系好脆，系好好食既，只差少少在于啲鸡汁无滴岀黎咁juicy。原味会跟个蜜糖芥末酱同腌萝卜。呢2样都做得好好，特别系个萝卜，少少酸但唔会牙软，食到甜味。牛肉饭卷无咩特别，好足料，同埋落左牛蒡，成旧一次过食系食唔到佢阵味，一分开就好大阵牛蒡味，我麻麻炸酱面佢既面系似赞歧乌冬，食完好滞。柚子蜜甜度适中，无死点既假糖味。总括而言，值得一试但记得早啲到，7点度就好多人。