熱記大排檔

营业中

休息中

早前约左朋友食饭想揾个地方聚下旧倾下计饮下啤酒，朋友岩岩系日本番黎想食中餐，我哋咁啱行行下发现一间大排档，就入去试下，真系估佢唔到喺土瓜湾竟然有一间服务态度又好食物又唔错嘅大排档！事先声明本人本身对中餐冇乜兴趣…哗佢哋𠮶啲小菜简直令到我哋有个意想不到嘅感觉🤣🤣火喉又够味道又唔会太咸值得一赞👍佢哋服务态度又好，我同朋友都食得好开心！仲有好多菜式好想食但我哋太少人食唔落啦😂下次有机会一定同朋友再嚟😋😋我哋叫咗尖椒鱼卜，佢哋啲鱼卜胀卜卜大大旧，啲尖椒又够辣㖞用铁板上热辣辣好吸引😋我朋友出咗名钟意食虾，所以叫咗碟豉油王虾，佢啲虾我朋友一路食一路话好食最后佢一个人食咗差唔多大半碟虾tim🤣跟住嗌咗三碟菜一个系好特别嘅名佢叫想食椰菜花😂听到个名都想食，佢好特别仲用煲仔上，一路食一路滚住热辣辣，正👍小炒王同埋罗汉斋味道都唔错个小炒王仲落咗啲辣钟意食辣嘅我好惹味好开胃送饭一流😃👍争啲漏咗佢哋有个招牌嘅鸡叫咸鸡煲开头以为会好咸点知佢都好特别系用炸鸡做嘅系入面加咗啲好似椒盐既落去煲仔度，食落脆卜卜，鸡肉又嫩滑㖞😋