新豐記

营业中

休息中

星期六在葵芳收工，行完新都会都无咩啱食，所以行去出商场礼芳街附近揾食，见到间古老式潮州饭店睇下又几多街坊帮亲，所以就坐底咗，因为当时得一张VIP枱，老伙记就叫我地坐呢度啦，呢张枱前面就系放晒啲野食系度啦我地叫咗盐焗乌头、卤水鹅、蚝仔粥、韮菜猪红，另外每枱客都有一小碗咸菜、花生、菜保送，我食咗口咸菜，哗调味刚好，不咸不淡，真系好好味道，至于菜保就实了点，花生都够香脆。讲下主菜啦，盐焗乌头注明系元朗一个鱼塲养有保证不大条有点瘦的，还要卖145,真系有啲贵，但食落入味的不错，卤水鹅就肉淋香入味有咬口蚝仔粥就普通啦因为还有蚝壳失分😍韮菜猪红好入味，好味到我要对师傅讲你做得够入味，汤汁够香浓，师傅气定神闲答，更系，用咗好多料做先咁味道，我地做咗30几年啦，少啲材料都做唔到，我又接著赞佢个咸菜小食，佢即刻再送多碗我地食，食啦比你食。好开心当晚可以食到好味食物，而且饭店老员工都好有亲切感如讲地方环境就真系麻麻，总括今晚都有90分，下次再去葵芳我一定再帮亲架。