大灰熊廚房 (裝修中)

黎将军澳探朋友，佢带左我去佢附近一间餐厅食饭。我地叫左2人餐$188，有汤，两款小菜，饭同饮品。因为我作战左整日，实在太肚饿，所以加左2款小食。黄金豆腐粒 $38佢吸油做得好好，完全冇油，食落口，好脆但又食到豆腐滑溜的感觉👍椒盐粟米🌽 $38比较小食到呢种口味既粟米，几特别，唔错。姬松茸炖汤 （每位+$15）汤品好足料，而且几浓既松茸味，感觉都系冇落味精，单纯靠材料提升佢既味道。中式猪排酸酸地，似士多啤梨骨个种味道，送饭一流😋榄菜肉松四季豆绝对要赞佢既四季豆系完全食唔到丝，佢清理豆筋清得非常好。虽然配榄菜炒，但唔会有好油既感觉，既好味又健康。姜汁汤圆最后店家送左甜品俾我地，天气开始冻，饮姜汤保下暖都唔错。佢个汤圆皮薄，配上姜汁汤都系好好味。呢间店舖绝对有惊喜，而且要赞佢每一道菜，上菜时都仲系好热辣辣，热度都仲可以维持一段时间，对于而家天气开始冻黎讲都几重要。