元札幌拉麵 (悅來坊)

营业中

休息中

最近悦来坊果边行间，就去左入面揾野食，发现都开左好多唔同既野食行过一间食日本拉面既, 望落啲装潢都好传统日式FEEL, 出面仲有好大只多啦A梦，于是就比佢吸引左入去，啲座位都有啲似日本街头既拉面店风格，一入到去店员会帮你递上日本茶，服务态度都几好，有别于平时拉面店自助风格。menu睇落都有唔少野食，除左日本拉面之外仲有饭食套餐可以选择，而我地分别拣左元拉面同牛脷温泉蛋饭元拉面主要有叉烧同埋荀，可以话系最经典嘅一款拉面，叉烧属于半肥瘦，好软腍，都几大片，汤底就系猪骨汤，味道几浓郁，而呢到嘅面质可以按个人喜好选择软硬度，我就拣左适中，可以KEEP到弹牙嘅口感，挂汤力不错。 牛脷温泉蛋饭方面啲牛脷煮得好腍 好易入口同埋都几入味，明显有酱料俺制过，而且有一定厚度，食落口感几丰富，而一只温泉蛋捞咁大碗饭都算足够。由于呢个系套餐关系，会有埋前菜沙律、面豉汤同茶碗蒸，个茶碗蒸入面有加冬茹同鱼板，啲蛋都蒸得几滑，食落仲有好清香嘅鸡汤味，几好食。