AT Restaurant & Bar

营业中

休息中

下画同个朋友想揾个舒服静静地嘅地方饮野倾计，行极度度都好多人，终于系西菁街尾揾到间似样，格局装修又靓，又静。入去果时都有D犹疑，因为咁嘅格局兼客人不多，都担心会好贵，又或者唔好食。哈哈！真估你唔到，坐底左睇下张menu即刻放心哂，因为价钱唔贵，加上tea set 都有好多选择，有好多个set 都想试下。我order左两个set 同餐饮，辣肉肠同埋烤豚肉三文治伴沙律，野食未来之前，都会惊D野唔好食，因为餐厅确实太静，客人不多，不过心想：E度环境咁正，都算啦！点知D野食一到，已经吸引死我，加上烤肉好香，我流哂口水喇！所以快快咁影完相就即刻试下味道，掂！真系好掂，好好味。不特此，店长好nice，好细心，有问过我地意见，仲介绍左D自家制甜品比我地，我地都有试，店长实在好识做，请我地食焦糖炖蛋，又好好味㖞！好香好滑，D甜品又唔太甜，可以试多几款。最后我地系餐厅坐左个几钟，好舒服，好relex. 最开心都系埋单每人都系夹左80蚊，你话系咪好抵呢！讲真E加系元朗可以揾间静静地，舒舒服服，又坐得耐嘅地方都无几多间，所以我都好like E间餐厅，值得推介。