影片
更多
2019-09-02
48 浏览
同朋友喺佐敦买嘢，买完嘢本身打算行过去尖沙咀食饭，但系天气麻麻地，就行到附近嘅庙街，谂住揾嘢食啦，点知见到呢一间小店， 环境都唔错，一于试下。先嗌一客寿司试试，火炙比目鱼背入口嫩滑，火灸完令鱼肉充满焦香，油份充足，唔错。一上台就令我哋睇到哗哗声嘅筑地寿司杯，卖相超吸睛， 有五款寿司杯，分别用上蟹肉、吞拿鱼蓉、甜虾、海胆同三文鱼，款款都整得好精致，加上汁煮鲍鱼同埋三文鱼卷，感觉都几抵食。尤其系海胆超大片， 睇见都流晒口水， 而吞拿鱼亦都好鲜甜， 非常好食。而呢个蒜片一口和牛都好惹味， 牛肉粒好juicy，加埋蒜香同洋葱，味道好夹。我哋亦都嗌咗几款烧物试试，首推呢一个脆皮白鳝， 鱼肉够厚身，而且好弹牙，肉质好爽口，加埋外皮烧得好脆，必试。金菇牛肉卷亦够香口， 卷得好结实，唔会散开，加埋酱汁食都几好。我就比较钟意呢个大葱烧黑豚肉， 豚肉烧得够脆，大葱都够甜。朋友就比较钟意呢个厚烧玉子， 食落有蛋香。最后食埋呢个清酒煮蚬， 蚬肉够晒甜，加埋索晒汁嘅金菇，再饮埋呢个清酒汤，就够晒暖胃，雨天食都几舒服。估唔到庙街除咗平时食开嘅大排档同埋煲仔饭，都有一间咁高质素嘅日式小店，真系意想不到。
先嗌一客寿司试试，火炙比目鱼背入口嫩滑，火灸完令鱼肉充满焦香，油份充足，唔错。
一上台就令我哋睇到哗哗声嘅筑地寿司杯，卖相超吸睛， 有五款寿司杯，分别用上蟹肉、吞拿鱼蓉、甜虾、海胆同三文鱼，款款都整得好精致，加上汁煮鲍鱼同埋三文鱼卷，感觉都几抵食。
尤其系海胆超大片， 睇见都流晒口水， 而吞拿鱼亦都好鲜甜， 非常好食。
而呢个蒜片一口和牛都好惹味， 牛肉粒好juicy，加埋蒜香同洋葱，味道好夹。
我哋亦都嗌咗几款烧物试试，首推呢一个脆皮白鳝， 鱼肉够厚身，而且好弹牙，肉质好爽口，加埋外皮烧得好脆，必试。
金菇牛肉卷亦够香口， 卷得好结实，唔会散开，加埋酱汁食都几好。
我就比较钟意呢个大葱烧黑豚肉， 豚肉烧得够脆，大葱都够甜。
朋友就比较钟意呢个厚烧玉子， 食落有蛋香。
最后食埋呢个清酒煮蚬， 蚬肉够晒甜，加埋索晒汁嘅金菇，再饮埋呢个清酒汤，就够晒暖胃，雨天食都几舒服。
估唔到庙街除咗平时食开嘅大排档同埋煲仔饭，都有一间咁高质素嘅日式小店，真系意想不到。
张贴
