泰灜

营业中

休息中

本身今日去佐敦就冇谂过食泰国嘢嘅，不过见到呢间泰国餐馆非常之地道，装修好精致，就好似去咗泰国一样，门口嘅姐姐亦都好热情介绍，于是就走咗入嚟试吓。我哋嗌咗小食拼盘、三串串烧、泰式烧鱿鱼、马拉盏炒通菜，同埋泰式蟹肉炒饭。小食拼盘有好多款泰式小吃，有春卷、炸虾饼同埋香脆鸡翼，每一样都有佢独特嘅色香味，鸡翼外脆内嫩，仲配埋特制嘅沾酱，炸虾饼爽口又弹牙，正呀烧烤过嘅串烧，经过腌制之后烧到金黄色，鸡肉嫩滑饱满，猪肉有啲质感，沾上特制嘅沙爹酱，浓烈嘅香气同微微嘅甜辣味道交融喺一齐。每次食泰国菜一定会点烧鱿鱼，经过特制嘅泰式香料腌制，然后炭烧到外焦内嫩，烟熏嘅香气同酸辣嘅汁，好味到不得了，而且份量都几足，大条又好食。马拉盏炒椰菜苗就一贯咁爽口，亦都唔似出边整得咁咸，味道非常啱啱好。新鲜嘅蟹肉，炒饭再搭配泰式香料，米粒干爽分明，亦都系令人好有惊喜。今次无端端发掘咗间好嘢，第时嚟呢度又有多个选择。