影片
更多
2013-10-27
434 浏览
平时经过，完全唔会谂住帮衬呢间餐厅，因为觉得佢用明星作招徕，唔会好食得去边，我地又唔系追星族，所以冇必要拣呢度啦！今晚同家姐食饭，可能姐夫从事饮食业，所以呢间餐厅反而引起我家姐兴趣，打破左此餐厅不入既谂法，估唔倒佢为我地带来惊喜。叫得Baby Cafe，成间餐厅都劲多Angelababy肖像，如果同男友嚟，我唔建议啰... 无谓让男伴唔觉意望相望人做左比较唔开心啦！(wahahaha)成间餐厅以黑白为主，都几多卡座，又有好几个可容纳5人左右既球体座位，几得意。餐牌都系用Baby个样做封面，除左少少前菜，就系已定既是日晚餐，可选汤或沙律作头盘，主菜有成15款，都几多得拣，另有餐茶(咖啡﹑茶或果茶)，除左拣牛扒要加$20外，所有食物都系一律$128，另计加一。我地三人分别拣左牛扒﹑海鲜意大利饭同黑椒海鲜意粉，另外再点一客拔丝鸡翼同墨西哥粟米片(配鹰咀豆及芝士肉酱)。餐厅先送上免费小吃，系忌廉芝士蕃茄片，跟住上汤及沙律，是日餐汤系周打鱼忌廉海鲜汤，我就选吃芒果蝴蝶粉沙律，两者都有跟餐包。没多久主菜同小吃陆续嚟，厨师推介既拔丝鸡翼其实系喺普通炸鸡翼上再加拔丝(糖丝)，两者冇特别交流，得个样，但
叫得Baby Cafe，成间餐厅都劲多Angelababy肖像，如果同男友嚟，我唔建议啰... 无谓让男伴唔觉意望相望人做左比较唔开心啦！(wahahaha)成间餐厅以黑白为主，都几多卡座，又有好几个可容纳5人左右既球体座位，几得意。
餐牌都系用Baby个样做封面，除左少少前菜，就系已定既是日晚餐，可选汤或沙律作头盘，主菜有成15款，都几多得拣，另有餐茶(咖啡﹑茶或果茶)，除左拣牛扒要加$20外，所有食物都系一律$128，另计加一。我地三人分别拣左牛扒﹑海鲜意大利饭同黑椒海鲜意粉，另外再点一客拔丝鸡翼同墨西哥粟米片(配鹰咀豆及芝士肉酱)。餐厅先送上免费小吃，系忌廉芝士蕃茄片，跟住上汤及沙律，是日餐汤系周打鱼忌廉海鲜汤，我就选吃芒果蝴蝶粉沙律，两者都有跟餐包。
没多久主菜同小吃陆续嚟，厨师推介既拔丝鸡翼其实系喺普通炸鸡翼上再加拔丝(糖丝)，两者冇特别交流，得个样，但炸鸡翼做得唔错㖞。墨西哥粟米片除了有面层既焗芝士肉酱，亦配酸忌廉同莎莎酱，好味。再嚟就系我既牛扒，冇谂过会用铁板上，要是知道的话一定会转碟，没想到牛扒竟有牛味，有点惊喜，配菜都唔系一般杂豆薯条，反而系炸洋葱圈﹑秋葵同疑似煎饺，几特别。忌廉海鲜意大利饭则以鱼作主要海鲜料，另有少少虾粒夹于饭中，饭都好creamy，口感唔似平时正宗risotto，反而啱我口味。二姐点的黑椒海鲜意粉就迟迟先到，但煮得几好，意粉唔会太腍，大大只虾唔讲得上超新鲜，但绝对冇霉既口感。最后送上免费甜品（水蜜桃𠮶类）及是日餐茶（荔枝茶）。
整体嚟讲，食物质素估唔到几好，唯独系冷气超冻，店员效率﹑态度仍有待改善，不过当中都有两位店员服务尚可既，价钱一般啦！不过坐得几舒服，但如有人等枱，咁客人就要喺入座后开始计，90分钟内走嘞！
张贴
