Pizza Bar (已結業)

系湾仔一带揾野食，间间都成班鬼佬系度踏到拆天，就系呢间无乜人，就佢啦。落完楼梯，见到楼面真系想返转头，咁鬼有十几二十年前既港产片入面既夜总会Feel既﹖好似一坐低就有个妈咪走出黎﹕「先生贵姓，第一次黎呀...」不过一坐低，望清楚张台就唔同讲法，执得真系干净，虽系旧左D，但系保持得好好，连番茄酱樽都唔会有千年迹系樽口度，刀叉杯碟都企理，咁有心，似乎有D希望。既然叫得Pizza Bar，就叫个薄饼黎啦，真系估唔到，好食，饼底够薄亦够香，仍然有少少韧性，芝士虽然淡左少少，但片肠又够咸到拉番匀D味道，系意想唔到的好水准。其他既野食就不过不失啦，无叫意粉，因为港式餐厅既意粉通常都好得人惊，但就凭个薄饼，都会番转头。