軒尼詩冰廳 (駱克道) (已結業)

在湾仔轩尼诗冰厅食晚饭，小炒，扒，粉面都多选择，意想不到扒餐几好食。纽西兰直送西冷牛扒，包有罗宋汤，味道够酸够入味，非常开胃，菠萝包几松化。主角西冷牛扒相当大块感觉巨型又够厚身。表面煎到焦香，内层 keep到肉汁，口感够嫩身味道又重牛香！估唔到食到几有质数既牛扒。Xo酱海鲜炒饭，馅料几够丰富， 八爪鱼，蚬肉，虾仁等，层次感够丰富，而xo酱味道几惹味够香！饭粒炒得几爽身唔油腻，份量都相当足又几够镬气。西兰花炒带子，杂住 d炒什菇，葱头几香口！西兰花够清爽清身，带子够厚身又绵密！