潮食 (順欣花園) (已結業)

已经唔系第一次嚟呢间小食店买嘢食啦！今次叫咗一个朱古力夹心鸡蛋仔同埋煎饼！先讲下呢度嘅鸡蛋仔真系无得输啊，佢有好多唔同嘅款选择嘅，不过始终都系钟情于朱古力夹心鸡蛋仔！你系会食到朱古力浆既夹心，系超级浓嘅朱古力！而煎饼系我第一次食嘅，估唔到有几夹㖞入边呢系有好多唔同嘅材料，有菜、蛋、薄脆，我仲加咗个汉堡扒添，配埋沙律酱又出奇地好好食㖞！而且表面煎得好香脆！因为真系太好食啦，所以连相都唔记得影，绝对推介呢啲小店，唔好俾佢哋执笠呀！