影片
更多
2023-10-14
162 浏览
自从上次同老公嚟过食下午茶层架后一直都有留意呢间酒店嘅餐饮优惠，今次见到逢星期一至五有晚市半自助餐✨️主题系龙虾海鲜盛宴✨️ 一于放工嚟试试!! 主餐最平 $248～ 最贵$368 包自助吧 (餐汤／海鲜／沙律／甜品／饮品) ❤️ •原只新鲜波士顿龙虾米多•波士顿龙虾尾起晒肉，食得好方便，啖啖龙虾肉配香浓芝士perfect match！龙虾钳好大只又厚肉，无任何酱汁下更能食出龙虾本身既鲜味👍•烤澳洲草饲肉眼扒配红酒汁•size大过我只手!!超夸张😳 肉眼扒叫7成熟，上枱已经闻到阵阵香味, 切开后外焦内粉, 肉质软腍带点嚼口, 肉味非常浓, 中间带有脂肪位，煎出来油脂味特别香 ！💫自助吧💫餐汤: 西汤有磨菇忌廉汤，真系超多磨菇碎粒，味道超浓！中汤有粉葛竹蔗甘笋猪骨汤 , 住家汤岩我，饮左两碗😁 海鲜冻盘: 有翡翠螺、蚬 、虾 、青口，食得出食材非常之新鲜，虾同蚬肉质弹牙 ! 翡翠螺超大只好大旧肉！蘸海鲜汁更好食 ! 食多几round 已回本🤭沙律: 特色沙律足足有5款, 例如紫薯苹果沙律, 咖哩意粉沙律, 烤茄子沙律等, 亦有羽衣甘蓝等沙律菜，颜色翠绿，口感新鲜爽脆！可以自由配搭沙律酱或者
主餐最平 $248～ 最贵$368 包自助吧 (餐汤／海鲜／沙律／甜品／饮品) ❤️
•原只新鲜波士顿龙虾米多•波士顿龙虾尾起晒肉，食得好方便，啖啖龙虾肉配香浓芝士perfect match！
龙虾钳好大只又厚肉，无任何酱汁下更能食出龙虾本身既鲜味👍
•烤澳洲草饲肉眼扒配红酒汁•size大过我只手!!超夸张😳
肉眼扒叫7成熟，上枱已经闻到阵阵香味, 切开后外焦内粉, 肉质软腍带点嚼口, 肉味非常浓, 中间带有脂肪位，煎出来油脂味特别香 ！
💫自助吧💫餐汤: 西汤有磨菇忌廉汤，真系超多磨菇碎粒，味道超浓！中汤有粉葛竹蔗甘笋猪骨汤 , 住家汤岩我，饮左两碗😁
海鲜冻盘: 有翡翠螺、蚬 、虾 、青口，食得出食材非常之新鲜，虾同蚬肉质弹牙 ! 翡翠螺超大只好大旧肉！蘸海鲜汁更好食 ! 食多几round 已回本🤭
沙律: 特色沙律足足有5款, 例如紫薯苹果沙律, 咖哩意粉沙律, 烤茄子沙律等, 亦有羽衣甘蓝等沙律菜，颜色翠绿，口感新鲜爽脆！可以自由配搭沙律酱或者红腰豆, 果干等。
甜品: 有椰汁糕、木槺布甸、绿豆沙，但窝夫较吸引我😛 SIZE细细件, 用光波炉保侍微暖, 可以自已DIY朱古力酱或者撒上朱古力粒.
整体好满意, 食物贵精不贵多, 只要叫一份西餐就可以同时享受自助吧，环境舒适干净，员工服务态度好, 密密收碟，见到我地冲鲜奶但无晒奶即时帮手加奶， 难得葵涌区有间质素唔错既半自助餐!
张贴
