影片
更多
2024-02-22
419 浏览
由于新年期间家人想食点心开年，最方便大家一定系旺角/太子区，可惜周围都无得订位，最后有朋友提议不如试吓渌鼎记，因为可以订枱。一直唔知渌鼎记有点心食，只知打边炉好出名，所以抱住一试无妨心态，志在一家人聚一聚。而且新年期间都预咗点心同茶钱都加价，但依度竟然收原价，真系第一大惊喜。佢哋嘅点心系第二个惊喜，除咗造型特别，味道亦都好好，绝对比得上大酒楼大酒店中茶厅，价钱亦都合理，CP值得非常高。第三个惊喜（亦都非常推介）：熊仔柠檬茶/奶茶（$24），一杯等于两杯（一樽奶茶/柠茶，一个奶茶味/柠茶味熊仔，加上一杯冰），完全值回票价。两个半钟后杯茶仍然又冻又够味，超正！第四个惊喜就系当你order一杯野饮就扣一个位茶钱（$12）。叫杯野饮又可以叹茶又可以饮其他嘢，都系俾多$12，我觉得佢哋做法好均真。新年期间饮茶预咗贵，但埋单九个人每人一百松少少，物超所值👍🏻👍🏻。
最后有朋友提议不如试吓渌鼎记，因为可以订枱。
一直唔知渌鼎记有点心食，只知打边炉好出名，所以抱住一试无妨心态，志在一家人聚一聚。而且新年期间都预咗点心同茶钱都加价，但依度竟然收原价，真系第一大惊喜。
佢哋嘅点心系第二个惊喜，除咗造型特别，味道亦都好好，绝对比得上大酒楼大酒店中茶厅，价钱亦都合理，CP值得非常高。
第三个惊喜（亦都非常推介）：熊仔柠檬茶/奶茶（$24），一杯等于两杯（一樽奶茶/柠茶，一个奶茶味/柠茶味熊仔，加上一杯冰），完全值回票价。两个半钟后杯茶仍然又冻又够味，超正！
第四个惊喜就系当你order一杯野饮就扣一个位茶钱（$12）。叫杯野饮又可以叹茶又可以饮其他嘢，都系俾多$12，我觉得佢哋做法好均真。
新年期间饮茶预咗贵，但埋单九个人每人一百松少少，物超所值👍🏻👍🏻。
9 浏览
0 赞好
0 留言
张贴
