摩豆 (已結業)

今日放工后，约咗女朋友去旺角金鱼街睇金鱼。行到花园街就比一间铺头传出黎嘅香味刺激到我嘅嗅觉，揾咗一阵就比我揾到间铺头，原来间铺头系卖鸡蛋仔同格仔饼嘅。我见现场有好多人都买左喺度等开饭，我就二话不说即刻发挥大胃王嘅本色，走去买返个食下先，见到个餐牌都有好多不同味道嘅鸡蛋仔同格仔饼，真系花多眼乱。所以最后我就决定叫左一个芝士味鸡蛋仔，见到职员整果时落配料，佢好似唔洗钱咁落劲多比我，估唔到呢家重有呢 D 铺头存在，咁有良心咁足料，因为外间有啲店舖只会落少少配料俾你。呢间鸡蛋仔，我下次一定会返食，试埋其他味道。