蓮香樓 (已易手) 新餐厅

几年前去过呢度饮茶，感觉好唔得，D野食又唔新鲜，不过前排有班朋友仔黎揾我食饭，佢地提议去呢度，我一向都跟大围，所以照黎，估唔到今次有咁大分别！呢度其中一个最特别既地方就系各人有自己既茶，大家可以唔使就其他人，叫自己钟意既茶就可以了！ 不过最大问题系我唔识用呢个茶壶黎倒茶俾自己... 好在侧边个位肯帮我！呢度要自己出去拎点心，朋友拎左一大堆返黎：鱼肚扎 - 我只系食左半块腐皮，因为本身对鱼肚兴趣不大珍珠鸡 - 好巨型丫，不过见到佢就饱哂，所以我都系无食过...猪肚 - 好好味丫！仲要有好多... 食极都食唔完咁... 好多酒楼D猪肚好薄得黎又无乜味，不过呢度好厚肉架！仲要好入味~烧卖 - 无乜肥肉，好味麻蓉包 - 入面有大粒芝麻，都几好~千层糕 - 朋友话好味，我觉得一般啦粟米斑块饭炒底 - 哗！估唔到咁好味！我咁怕腥既人都觉得个斑块好香好好味！总括黎讲今次简直系好似去左另一间酒楼咁！好味！