紅薈 (已結業)

中午LUNCH TIME系APM食都会好贵份量又唔多.都唔知观塘区边度有野好吃。工业区其实又会有咩好食呀,然后上左Open Rice度睇下有咩好食啦~之后见到呢间西餐厅(The Room).一望...好评有限,不过睇完食评后觉得环境都算几静,同朋友倾下算食下野都唔错。然后就同女朋友抱住试下的心态上左去。叫左个美国安格斯肉眼扒同韩式辣味鱼生饭另叫墨西哥香煎薄饼。个Set Lunch 有包餐汤香草牛油法包和餐饮。个罗宋汤无咩特别,但系个牛油法包唔错,牛油加上少许香草味道Ok;加上新鲜焗出炉更香脆!墨西哥香煎薄饼无咩特别,比较似日式薄饼多D。食到主菜都无咩期盼,因为网上食评都麻麻,但系主菜一上后就唔觉得系咁!辣味鱼生饭份量唔少味道都OK,鱼生都算新鲜。安格斯肉眼扒都还可以,我叫左七成熟.牛肉味都算浓。服务: 待应生都算有礼貌,, 整体上都ok。环境洁净,中午都不算吵, 系牛头角区算系咁,可以去尝试一下。