新高麗苑韓國餐廳 (已結業)

今日下午系旺角，想食午餐但无奈周围都系啲粉面茶餐厅食到有啲闷，系我重好迷茫谂梗食咩既时候，枱头一望见到有一幢红色外墙既大厦有韩国野食，所以就心郁郁走咗去望下，见到个门口好似伏伏地咁，不过犹豫左一阵最终都系上咗去。餐厅系二楼全层，搭电梯上去一开门就已经系餐厅，侍应好快手安排左座位俾我，当时食客不是太多只有三四枱，可能未到打工仔放饭时间。侍应递上餐牌后，随即通知我现在得午市熟食套餐及面食套餐可点 ; 睇一睇个价钱都几亲民，包前菜、主菜、牛骨汤及甜品都只系 $45 蚊，平时系啲茶餐厅食个饭跟饮品都收成 $45 蚊，最后叫了红炆腩肉。牛骨汤 : 汤底有白萝卜、葱花、腐竹及牛肉丝，味道清甜得黎带点辣，而且胡椒味颇重，超级正。薯仔炆得好淋好入味，而且个汁甜甜地好醒胃。红炆腩肉 : 有冬菇、牛筋、牛腩，份量几多下。牛腩腍身够牛味，而且一啲都唔韧。甜品系提子味啫喱，食落口就谂起细细个阿妈整比我食既回忆，好有家嘅感觉。呢间餐厅如果大家经开𠮶头，可以入去试一试佢嘅午餐。