新派韓食館 (已結業)

同朋友到呢间新开嘅韩国餐厅食晚饭，可能早到啦，七点几到，唔使等位就有得坐卡位。餐厅装修几靓，有啲复古风嘅摆设，同红砖铺内墙，枱同枱之间都摆得松动，坐得舒服，又唔会赶人走，食完仲可以倾偈！前菜同汤送嘅泡菜好辣（对于一个唔系好食得辣嘅人黎讲）；凉菜无咩味，不过爽口；汤嘅味道似紫菜滚瘦肉汤，呢个算唔算韩式呢？不过野饮好好饮！！！！呢个双层草莓柚子沙冰有好浓好香嘅草莓味，柚子味又会渗出黎，仲要个冰唔实，饮到搅得到！绿茶泡沫奶香就几奶，少少甜，底有啲绿茶粉沉底，饮之前要搅下，可能系我叫咗走冰，味道麻麻呢个卡邦尼粉丝年糕经典咯，完全食唔到忌廉味，令成个𩠌都无味，年糕又过硬，唔烟靭！芝士拉猪仔骨卖相唔错，有专人过黎帮手，用芝士卷住啲猪仔骨，之后变成下面副图猪仔骨有少少辣，唔系好食得辣嘅人都顶得顺，肉质松软。但是芝士唔系好得，唔知系咪猪仔骨太浓味盖过芝士味？虽然个芝士系拉到嘅，但是佢唔香又唔咸，有啲失望。侍应见锅边蛋熟，会走过黎提你，又问熄唔熄炉，所以个蛋底𠮶层好嫩，表面仲硬硬地，好食！锅边嘅粟米都好甜。总括黎讲，食物一般，服务几好，环境一流，又坐得舒服！