影片
更多
2013-07-07
142 浏览
今晚同老公揸车去屯门新开个个泳池度游水，游完之后就去附近揾野食，search openrice见到d人话呢间几好食，于是就决定去呢间试下啦! 因为当时都已经系差唔多夜晚10点啦! 几惊佢已经收左工呀，好彩佢仲未闩门啫，不过其实佢都差唔多收舖啦，所以有好多吉位根本唔驶等，而且d服务超好超殷勤超快手，因为就黎收舖，所以我地拣个d野食好多都已经卖晒，有少少失望，但系又冇计，唯有改食其他，我地两个人叫左1个饭6个点心，因为差唔多收舖既关系所以上菜上得超快凤爪排骨煲仔饭 虽然我唔钟意大热天时食煲仔饭，但系因为老公好钟意食，咁我就唯有陪下佢食啦，估唔到出奇地好食，个饭唔算太油，d排骨都算多，d凤爪好淋好够味，冇落好多豉油都好够味，正沙律明虾角 原本我系想食鲜虾腐皮卷架，但系卖晒，之后就改食呢个，估唔到呢个好食好多，外皮够脆，新鲜炸起仲系热辣辣架，加埋个沙律就唔会觉得太热气，又唔会炸到油淋淋，真系超好味，不过都系想下次食下个腐皮卷比较下叉烧肠 呢个叉烧肠好搞笑，平时酒楼个d系3条叠埋一齐架嘛，两条下面1条上面咁样，呢个系一条劲长咁架，好新奇好得意，未见过咁长既叉烧肠，不过略嫌
凤爪排骨煲仔饭
虽然我唔钟意大热天时食煲仔饭，但系因为老公好钟意食，咁我就唯有陪下佢食啦，估唔到出奇地好食，个饭唔算太油，d排骨都算多，d凤爪好淋好够味，冇落好多豉油都好够味，正
沙律明虾角
原本我系想食鲜虾腐皮卷架，但系卖晒，之后就改食呢个，估唔到呢个好食好多，外皮够脆，新鲜炸起仲系热辣辣架，加埋个沙律就唔会觉得太热气，又唔会炸到油淋淋，真系超好味，不过都系想下次食下个腐皮卷比较下
叉烧肠
呢个叉烧肠好搞笑，平时酒楼个d系3条叠埋一齐架嘛，两条下面1条上面咁样，呢个系一条劲长咁架，好新奇好得意，未见过咁长既叉烧肠，不过略嫌个粉皮太厚，不过叉烧都算多，一般啦
虾饺
原本我想要鲜虾白菜饺，不过又卖晒，所以转食呢个，虽然一笼得两粒，不过真系好大粒同埋好多虾，虽然系咁但系都略嫌贵左d，唔系好抵
流沙奶皇饱
因为我太饱既关系，所以我冇食到，问过老公佢既评语系普通，因为冇咸蛋黄唔够香，而且又唔够流沙
烧卖
烧卖超大粒，不过得个大字，味道就一般，唔知系咪因为已经食饱所以开始觉得冇咩特别，而且又冇虾净系超大旧猪肉，真系好一般啰
棉花鸡
一黎个卖相已经超差，净系揾个铁兜装住就算，毫无美感可言兼严重影响食欲，一食落去根本就系猪皮黎既，仲要系未煮淋既猪皮，咬落口仲系爽口既，一d都唔棉花啰，真系好唔得啰
总括黎讲都可以再去既，因为揸车去真系好方便，不过其实价钱都偏贵，唔系好抵食，但系有时夜晚想食下点心饮下茶屯门真系好近好方便，都系一个唔错既选择，不过下次记得唔好咁夜去啰，我地食到成间舖得返我地一枱客，d员工个个系度做紧清洁，连个老细都黎左等收舖锁门，搞到食得好有压力净系擒擒青咁吞落肚就算，唔可以慢慢叹，其实都几赶客几冇瘾，下次都系早d去啦!
张贴