高興 (已結業)

睇咗「跟黄秋生饮食」𠮶条片，见佢一开波就弹人𠮶碟卡邦尼意粉，但系大赞个炸鱼薯条，童话个蒜香豆豉鲮鱼意粉巴闭，就觉得条片应该系真心介绍，就即刻揾个friend陪我去试𠮶碟意粉。开门之前，以为佢只系其貌不扬嘅普通工厂大厦食肆，点知一推开门，见到啲灯光，又有一排剪发舖咁嘅位，仲有啲皮嘅卡位，用心嘅设计，即时加咗唔少印象分。一坐低，二话不说即刻叫咗个蒜香豆豉鲮鱼意粉先，又真系大件夹抵食㖞，个意粉少少辣，偏咸嘅感觉，再加埋蒜，真系啱晒我口味，个豆豉鲮鱼同个意粉夹得埋，果下犀利。另外仲叫咗个玫瑰Latte，正常嘢，不过不失，不过造型美观，有几块玫瑰花瓣咁，配合成间餐厅嘅装修，每个角落都可以系影相位，啱晒港女黎打卡。之后再加多咗个朱古力pancake，都系普通野，正正常常咁，两个人食完饱到殴。