香山家宴 (已結業)

平时同朋友去食饭都好少会拣去中菜，第一怕嘈，第二，大多数都系大集团，无咩特别。今日去湾仔揾朋友食饭，两个人荡下荡下来到分域街，条街有点冷清，因为好多街铺都无咗。心灰意冷嘅时候，朋友发现门面几Chinese Style嘅店。 我地好似沙漠里发现绿洲的感觉。睇吓个餐牌，价格都唔贵，咁咪入去试下。店门口在街上，入到去原来要上一层，都OK。跟住原来装饰优雅，一d都唔‘娘’，大厅不算大，约10张台，台与台之间都好宽阔，唔洗强逼我听邻台的对话！今次点咗「红糖黑醋小猪柳」（$268）酸甜味道好味，猪肉都好爽口。饮咗个「海马海皇炖花胶」（$388）胶口但不腻！再加一道「红酒冻鹅肝」（$498）同西式煮法截然不同！我唔系食家，唔识讲点好食，但就感觉好特别，会回味啊！