影片
更多
2020-09-29
1627 浏览
临近中秋谂住近近地同老爷奶奶做节，所以就下老人家去食中菜，又见到呢间算系几靓仔就入去坐下。佢呢度啲菜式嘅价钱都算几合理，所以老人家都系比较钟意啲抵食啲嘅野，一入嚟佢地见到$1 只烧鹅同鸡，已经双眼发光，我其实本身个心态都唔系抱有好高期望，毕竟$1 野你想点丫点知嚟到𠮶时, 份量唔差㖞, 仲揾个炉仔㷫住碟鹅，酱料又齐。趁热食啲皮都仲脆，肉唔膻，$1真系抵到烂。另外我地仲order咗个肥牛粉丝煲，肥牛唔系得几旧，我地几个人一人几码食到几旧，而且啲粉丝好入味，又唔系发涨到烂哂。 呢度最重要嘅系佢加咗少少菠萝吊起沙嗲阵味，真系唔错。可惜嘅系跟住落嚟呢碟野就失色了，本来我地见到咁大碟豉油王鹅肠真系觉得抵到烂，因为我地平时食开百几蚊都可能得呢碟野嘅一半都唔知有冇。但当我地入口嘅时候，𠮶种膻味真系劲到你食咗一条已经唔想食落去，有位经理见到我地剩咗咁大碟同郁都无郁过咁滞，埋嚟问咗几句系咪唔啱食，我地反映咗之后，佢就拎咗入去厨房理论，仲好好咁帮我地cancel 咗张单，仲同我地解释咗一轮，对品质未符预期觉得抱歉。其实一间餐厅我都唔系expect样样好食，不过呢位经理咁嘅服务态度，本身已经几值得一赞。最后
佢呢度啲菜式嘅价钱都算几合理，所以
老人家都系比较钟意啲抵食啲嘅野，一入嚟佢地见到$1 只烧鹅同鸡，已经双眼发光，我其实本身个心态都唔系抱有好高期望，毕竟$1 野你想点丫
点知嚟到𠮶时, 份量唔差㖞, 仲揾个炉仔㷫住碟鹅，酱料又齐。
趁热食啲皮都仲脆，肉唔膻，$1真系抵到烂。
另外我地仲order咗个肥牛粉丝煲，肥牛唔系得几旧，我地几个人一人几码食到几旧，而且啲粉丝好入味，又唔系发涨到烂哂。 呢度最重要嘅系佢加咗少少菠萝吊起沙嗲阵味，真系唔错。
可惜嘅系跟住落嚟呢碟野就失色了，本来我地见到咁大碟豉油王鹅肠真系觉得抵到烂，因为我地平时食开百几蚊都可能得呢碟野嘅一半都唔知有冇。
但当我地入口嘅时候，𠮶种膻味真系劲到你食咗一条已经唔想食落去，有位经理见到我地剩咗咁大碟同郁都无郁过咁滞，埋嚟问咗几句系咪唔啱食，我地反映咗之后，佢就拎咗入去厨房理论，仲好好咁帮我地cancel 咗张单，仲同我地解释咗一轮，对品质未符预期觉得抱歉。其实一间餐厅我都唔系expect样样好食，不过呢位经理咁嘅服务态度，本身已经几值得一赞。
最后，我要食返一碟普普通通嘅蒜茸炒小白菜，先洗得走鹅肠嘅味道，碟菜都尚算鲜甜。
总括来讲，其实一家人做节嘅话都真系抵到烂，连埋碟鹅肠都系4百蚊倒，坐得舒服，每枱都有一定空间又唔迫，真系算系咁。
张贴
