Ha Noi 越南菜

营业中

休息中

最近知道重庆大厦呢度开咗个新嘅美食坊，今日就同个同事过嚟试咗呢间越南餐厅，买啲嘢返office度食。里面装修都几靓墙身嘅画都好有越南特色。我就叫咗个顺化牛肉捞檬同埋加左个越式猪颈肉小食。同事就拣咗个顺化番茄蟹肉扎肉汤檬同埋份越式炸虾饼小食。首先要大赞个牛肉捞檬系非常之好食，牛肉腌得好食，另外佢嘅檬粉我都觉得畀出面嘅越式餐厅出色，份量又够多。猪颈肉亦煎得非常香口，边边位焦香，肉食落嫩嫩，好味道。至于同事个番茄蟹肉扎肉汤檬，我试左少少确实又系非常出色，汤底浓浓番茄汤味，食完又唔会口渴，真番茄制作，而且味道丰富，唔系单纯番茄味，一开外卖碗，见到一丝丝蟹肉，仲有豆卜吸晒汤汁，非常滋味，扎肉同汤檬同样出色，相比下，我更爱同事个汤檬，推介！ 虾饼炸到金黄色，好吸睛，热辣辣，食落Q弹，仲咬到少少粒粒虾肉，好食！餐厅食物cp值十足，下次够时间都要再堂食回味下。